« Ces paroles devront être sur ton cœur »
Sɛɛ wïlagänɩwa -wʋˈɛ -sɩbhä ˈyuëlowluwa -wʋä. Wa kä wa ˈkä sasɛ ˈwa ˈyuëa ˈyli -gänɩ wa tɩa bidibidi nɛmö, -lizoku tʋa bhäla ˈfʋ ghlɩ. (Prov. 27:23) Sɛ ˈyuëlowluwa ˈkä bhä zʋ nzɩ -lɛ a libho ˈla wa kää, ˈkä sasɛ ˈwʋ ˈplɩ ˈnɩ? Wa kä wa ˈkä zila ˈwuë ˈmö ˈtɛɲɩ ˈwʋ ˈlibhï wa -ɲɛ ˈwa yuëa ˈsɔ ˈkä ˈdɩ -sɛ, nzɩ wa ˈkäa ˈsaa -wʋä -mä wa ˈwlumö -ɲɛ wa dila zɛmö ˈsɔ yɩbhlɩnɩ. (Prov. 20:5) ˈN sɛ nɩkpɛ ˈsɩbhänɩɛ ˈɔ -budu ˈsɩbhäsɩbhälii -kɔsu ˈnɩɛ bhɛnɩ wʋ ˈkä sia, -sɩbhä ˈyuëlowluwa kää wa kä dlɩsɛkäli ˈmö ghlɛnɩ ˈwa ˈkä wa ˈyuëa a dlɩˈwʋkänɔ ˈmötumanɩ. (1 Kɔ. 3:10-15) Video wa laa « Ces paroles devront être sur ton cœur » sɛɛ ˈkwädlɩ a ˈligbë ˈmö a lagɔwɛlɩɩ a ˈcɩɛcɩʋ kää dɛsɛ, ˈmö wʋ pɩɛnɩɛ ˈwʋ. ˈA ˈligbë ˈmö a -nʋa ˈwuë nɩ yɛlɛnu ˈgämö. A -kä zɛmö bhɩɛ ˈwëë, nimïyɩbhäkïbhï -yɩ -wʋä dɛˈɛ zɛmö, a nɩ yɩlɩɩ yɔwʋ.
(1) ˈSaa kä bhä ˈŋlɩ ˈn ghlomɛɛ ˈa ˈligbë ˈmö a -nʋa ˈnɩ a-a bhä lagɔlii sɛtɛlɩ ˈnɩ? (2) ˈSaa kä bhä ˈŋlɩ ˈn -lii ˈla -daayu Ghlomɛɛ yɛla a-a tɛkädɔˈwʋ ˈmö, ˈligbë ˈmö a lagɔwɛlɩ a ˈcɩɛcɩʋ a dɔˈwʋ ˈnɩ ɔ ˈwʋ ˈplɩ ˈnɩ? (3) Biblë ˈmö a kïbhë -ma bhɛnɩɔ a -kamö kwänɩ -n ˈkä sasɛ -naˈa yuëa ˈbhʋa ˈnɩ? (Deut. 6:6, 7) (4) ˈSaa bhɛnɩɔ wʋ ˈkä ˈligbë ˈmö a -nʋa kwänɩ wa ˈkä sasɛ ˈdɩ -sɛ ˈnɩ? (5) ˈSaa ˈyuëlowluwa kä ɔ wa ˈkä dlɩ -sɛ ˈwa ˈyuëa a za ˈnɩ? (6) Sɛɛ -daayu Bɛɛlu -ɲɛ ɔ ˈlɛŋlɛ ˈsɔ kwänɩ a-a bhä Ghlomɛɛ a ˈligbë ˈmö a -nʋa ˈnɩ? (Prov. 27:17) (7) ˈSaa ˈligbëlowli kä bhä ɔ ˈkä nʋ ˈwë nzɩ ˈligbë ˈmö a lagɔwɛlɩɩ a ˈcɩɛcɩʋ ˈkäa sasɛ ˈwʋ plɩ ˈnɩ? (8) -Lii ˈkä ˈyukusɛ mö -mä -daayu Ghlomɛɛ ˈa ˈligbëa ˈmö a dɔˈwʋ, sɛ ɔ tɛɛ a-a bhä ˈnɩ? (9) ˈSaa kä ɔ ˈŋlɩ ˈn a ˈkä ˈkwädlɩ ˈligbë ˈmö lagɔwɛlɩɩ ˈcɩɛnɩ kä ɔ dɛsɛ ˈnɩ? (Ɛfɛ. 6:4) (10) ˈLigbë ˈmö a lagɔwɛlɩɩ a ˈcɩɛcɩʋ a dɔˈwʋ, -lii -mi wa bhɛnɩ ɔ wa ˈkä nʋ ˈnɩ? (11) Sɛɛ -daayu Ghlomɛɛ ˈɲɛnɩ ɔ Maakwisɩ dlɩwätɛ ˈmö ˈn gbëaa ˈdɩ, dɛ ɔ ˈkɔɔ kwänɩ dɔˈwʋ -wʋ nzɩ ɔ ˈkä sɛyɩbhlɩnɩ nɩɩ, ˈmözlɔnɩlii a nʋnwɛ dɛsɛ yɩ kää? (Jér. 17:9) (12) Sɛɛ Ghlebekaa -ɲɛ Zusɩtɛɛ ˈsɔ -bhlinɩɛ ˈwʋ a dɔˈwʋ, ɔ tɩa -lizoku nʋ a za, -daayu Ghlomɛɛ -ɲɛ ˈɔ ˈlɛŋlɛ ˈsɔ, sɛ wa -ɲɔɔ ˈsɔ bhïla bhä ˈnɩ? (Maakö 12:30; 2 Tim. 2:22) (13) Sɛɛ -daayu Ghlomɛɛ -ɲɛ ˈɔ ˈlɛŋlɛ ˈsɔ tula bhä ˈwa dlɩˈwʋkänɔ dɛ wa ˈkä a-a -mä ˈwa zɩkpa ˈmö -lii -mimii ˈmözigbanɩ dɔˈwʋ -wʋ ˈnɩ? (Mat. 6:33) (14) Sɛɛ ˈligbëlowli kää ɔ ˈkä ˈɔ ˈligbë ˈmö a -nʋa lagɔsɛ a dɔˈwʋ ˈyli zʋnɩ, sɛɛ video ˈlɛ pɩɛnɩ bhä yɩ wɛlɩ ˈwʋ ˈnɩ? (1 Tim. 5:8) (15) -Nmö ˈligbëlowli, ˈsaa -n kä bhä -n ˈkä nʋ ˈklɩpaa ˈnɩ?
ˈLIGBËLOWLUWA A DƐ: 2011 a ˈylʋba ˈmö, -mä -aˈa ˈylɩ ta a ˈwluyɩbhäyɩbhʋ ˈkɔdʋ ˈwʋ, wa -bhɛ ylɛylɛlu -lɛ. -Lɩbhä a ˈtɛɲɩ ˈla ˈmöö, -n ˈyɩ a-a bhä -lu ˈylɩmö -n bhɛnɩɛ -n ˈkä ˈmö ghlɛnɩ, -n ˈkä -naˈa ˈligbë ˈmö a lagɔwɛlɩɩ a ˈcɩɛcɩʋ ˈyukusɛ kwä -a? Zɩˈɛ a dɔˈwʋ, sɛ yɩ -wʋ bhäˈa ˈmö ˈnɩ? ˈN -n -kä sɛ -yi nɩɩ, -mä -naˈa ˈligbë ˈmö, a kä a ˈkä -lii -mimii ˈmözigbanɩ, -yayaya bhibhee Zoova ɔ -kamö kwänɩ -lii ˈla ˈkä ˈmözigbonɩ nzɩ ˈa ˈligbëa ˈkä -li a -lii -yɩ ˈnaa ˈkää ˈyli bhɩɛ ghlɩ.—Ɛfɛ. 5:15-17.