LAGƆWƐLƖƖ BIA LIBHO A ZA YƐLA -LII ˈMÖ ˈYIZE
-A NƖ KÄ ˈSLƐLƐ -MÄ -AA LAGƆWƐLƖƖ BIA LIBHOO ˈMÖ Sɛ -n ˈkää gbä -n ˈkä kpʋ ɛ -käˈɛ peliodikö ˈɲɛɛ, -naɲɩgäsɛ tɛlii sɛ
ˈSAA KÄÄ ˈŊLƖ ˈN YƖ KÄÄ DƐSƐ: -A -kä lagɔwɛlɩɩ ˈɲɛ yi a sɛ -a ˈkä gbää, -yɩ -wʋä -mä -aˈa ˈwluyɩbhäyɩbhʋ a ˈbɔgʋ ˈmö, sɛ yɩ bhɛnɩɛ yɩ -kaɲɩ kwänɩ ˈmö yɩ sʋlʋnɩɲɩɛ abhlɩ. Maa -aɲɩgäsɛ, -a bhɛnɩ -a ˈkä sɛ -a ˈkää gbä sɛ tɛlɩ. -N bhɛnɩ -n ˈkäˈɛ sɛ -mämaa zʋ, sɛ -ɲɛ -aˈa ˈpɩɔ ˈyli a -lii mönɩɛ yɔwʋ. Zaa, -n -kä peliodikö, ɛ -käˈɛ kpʋ ˈmö zɛlɩ ˈwë, sɛ -n ˈkää gbää, -n ˈkɩ yɔwʋ yɩlɩ ˈwë, ˈn -n -käˈɛ yɩ video ylɛ ˈwë, -n bhɛnɩ -n ˈkɩ ˈwʋ ylɩ nzɩ -n ˈkä -naɲɩgäsɛ a sɛ -n gbä sɛ tɛlɩ.
SƐ -A ˈKÄÄ ZƲ:
ˈYɩbhä -naɲɩ nimï nɩɩ, ‘-A -kä lagɔwɛlɩɩ ˈɲɛ yi a sɛ wa gbä -a nɩ zʋʋ, n yɩbhä ɔ n ˈkä -sɩbhä zʋ -a?’
NN
-N -kä tɛɛ yi a ˈsaa -n ˈkää bhïla tɛlii sɛ. -N -kä bhälɩ ˈwë, -yɩ kää ˈŋlɩ ˈn -n yʋa ˈylɩmöä mö, bhïla yɩ wɛlɩ cuu. (-n bhɛnɩ -n ˈkä nɩɩ: Ɛˈɛ -bhö ɲɩasɛ, maa -yɩ kää ˈŋlɩ ˈn n yiɛ yi miɛ nɩɩ . . . ”)
-N -kɔɔ wɛlɩkïbhë ˈwʋ ˈyɩbhänɩ ˈwë, sɛ -n ˈkää zʋ nzɩ a ˈkä Biblë a gbɛlʋ ˈmö zɛlɩ, nzɩ -n ˈkɔ peliodikö ˈɲɛ, zʋ -sɩbhä. (-N -kä Biblë ˈmö zɛlɩɛ yi, -n bhɛnɩ -n ˈkä nɩɩ: “Wɛlɩkïbhë n ˈyɩbhänɩmöä ˈwʋ, yɩɛ a zɛmösɛna ma-a dɛˈɛ.”)
NˈNN
-Mä peliodikö ˈmö a kïbhëa -a nɛnɩmöä dlɩ yɔwʋ ˈn -a -kamöä kwänɩ -mä -naˈa pɩɔ ˈyli a dɔˈwʋ, -saa -lɛ
Wɛlɩkïbhë a -ma ɔ ˈkää dlɩ kɛ ˈpänɩ, ˈn -a ˈkɔɔ -mä ˈsunɩ ɔ -ɲɛmö ˈkä ˈdɩ -sɛ, -sɩbhä a -naa a ˈyize ˈmö -n nɩ yɩbhänɩ ˈligbëlowli ˈwʋ. (-N bhɛnɩ -n ˈkɔ: Peliodikïa a kpʋ 2 ˈklʋ a nimïyɩbhäkïbhï -yɩ -wʋä -lɛ ˈwʋ ˈyɩbhänɩ)
-Sɛ -lɛ Biblë a gbɛlʋ a ˈkää ˈmö zɛlɩ. (-N -kä nɩkpɛ Reveillez-vous ! ˈɲɛɛ yi, -n ˈkä Biblë a gbɛlʋ ˈmö zɛlɩ a dɔˈwʋ, -nmö yɩ -wʋä kämö. Ɛˈɛ -bhö ɲɩasɛ, maa nɩkpa -waa -tiasɛ lagɔwɛlɩɩ -yi, ˈn -waˈɛ lagɔgligbïadlɩ ˈwʋ -kä, wa za wa ˈwlʋä.)
Sɛɛ ˈligbëlowli ˈkää kïbhëa ˈla ˈmö -li a -lii ghlɩnɩ, bhïla ˈtikïyie ˈwʋ yɩ wɛlɩ
Ɛ -KÄˈƐ
ˈYɩbhänɔ wɛlɩkïbhë ˈwʋ nzɩ -n ˈkä ˈwʋ ˈsɔ yinɩ, -n ˈka zɛmösɛ
ˈSaa -kamöä kwänɩ -n -kä bhäla yi -n ˈkä sɛ -n ˈkää gbä ˈwʋ ligbanɩ, cɛlii