“Amöä dɛˈɛ! Tieaa!”

Ezayii a sɛ ɔ -bhɩɔ a-a ˈkwädlɩ ˈmö a za, -a bhɛnɩ -a ˈkä ˈɔ gbäpöö -gänɩ. Ɔˈɔa sɛ -lii ˈkää ˈmö plɩplɩnɩ -yi. Maa, sɛ ɔ kä a-a Lagɔ dlɩ ˈwʋ a za, ˈwʋ ɔ ŋluä cuu. (Is 6:8) -N yi bhä -naɲɩ ˈwlu gïganɩ nzɩ mää lagɔwɛlɩbiawaa ˈnɩɛ -zu, -n ˈkä -mä mö -a? (Ps 110:3) ˈLɩlɩlɩ a dɔˈwʋ, ‘a nɩ glɩ sɛ nzɩ moni a ˈkää plɩ, a ˈkɛ sasɛ bhëga’ wë. (Lk 14:27, 28) Maa lagɔlibho a za, -a nɩ -bhɩɔ ˈkwädlɩ ˈmö -a ˈkä -aɲɩ dlɩ -sɛ. (Mt 8:20; Mk 10:28-30) -Mä Video wa laa Déménager là où il y a besoin de renfort ˈmö, -mä -a yɩɛ ˈylɩmö nɩɩ, -a -kä -aɲɩ dlɩ -sɛ, sɛɛ Zoova -kaɲɩɛ ˈɲu ˈpää, yɩ zi -lii a ˈki ˈwuë ˈwʋ.

A -KÄ VIDEO ˈLA YLƐ ˈWË, -A NƖ ˈƝƐ NIMÏYƖBHÄKÏBHÏ ˈLƐ A ZƐMÖSƐNA:

• Wa ˈkä -mä ekʋatɛɛ lagɔwɛlɩɩ biaa mö a za, sɛɛ Wiliamö -ɲɛ ˈɔ ˈligbë ˈmö a -nʋa ˈsɔ -sɛ bhä bhʋlʋbhlʋ waɲɩ dlɩ ˈnɩ?

• Wa ˈkä -glɔ -wʋɲɩ ˈmö wa ˈkää lagɔwɛlɩɩ bia mö -lɛ -sɛ a dɔˈwʋ, ˈsaa kwänuë bhä ˈnɩ?

• ˈƝupälɩ a -mi wa ghlɩnɩ ɔ -mä ˈnɩ?

• Sɛɛ -n ˈkä ɔ ˈzʋ nzɩ -n ˈkä -gwlɩɩ -yɩɲɩ ˈmö lagɔwɛlɩbiawaa ˈnɩɛ -zu -yi ˈnɩ?

ˈA ˈLIGBË ˈMÖ A BIBLË A ˈCƖƐCƖƲ A ˈTƐƝƖ ˈMÖ, A NƖ YƖLƖ KÏBHÏ ˈLƐ YƆWƲ:

• Sɛɛ -a ˈkä ɔ ˈzʋ nzɩ -a ˈkä ˈtɛɲɩ a -bɛ ˈmö lagɔwɛlɩɩ bia ˈnɩ? (km 8/11 4-6)

• Mää lagɔwɛlɩbiawaa ˈnɩɛ -zu, ˈn -a nɩ bhɛnɩ -a ˈkä -mä mö -kë, sɛ -a ˈkä ɔ ˈzʋ nzɩ -mä -aˈa lagɔzɩkpa ˈmö a ˈkä ˈtɛɲɩ a -bɛ ˈmö lagɔwɛlɩɩ bia ˈnɩ? (w16.03 23-25)