A nɩ mö mää lagɔwɛlɩbiawaa ˈnɩɛ ˗zu

˗A ˈkä ˗aa ˗kosu yɔwʋ a ˗nʋa yɔwʋ ˈbhöö, nzɩ ˗a ˈkä käböbɛyɩ lagɔwɛlɩɩ bianɩɛ mö a dɔˈwʋ, ˗a kä ˗a ˈkä Lagɔ dlɩ ˈtɛɛnɩ. (Eb 11:8-10) Mää lagɔwɛlɩbiawaa ˈnɩɛ ˗zu, ˗n ˗kä ˈyɩbhä ˗n ˈkä ˗mä möö, ˈɲɛ ˈyukugänɩwa ˈdɩ. ˈSaa ˗n kä ɔ ˗n ˈkä nʋ nzɩ ˗n ˈkä sɛ ˗yi nɩɩ, ˈsaa ˗n ˗sɛ ˗lɛ ˗ɲɛ mää ˗n gbää ˗n ˈkä mö ˈsɔ, nɛnɩ ˈnɩ? ˈBɔgwɩ ˗ɲɛ videwii ˈsɔ ˗yɩ bhïla mää lagɔwɛlɩbiawaa ˈnɩɛ ˗zu a wɛlɩɩ, ˈyi ˈylɩmö sasɛ ˈn ˈpäni dlɩ kɛ. ˗Wa möä tɛkäsɛ mää lagɔwɛlɩbiawaa ˈnɩɛ ˗zu, ˈn yɩ yiɛ ˗mä sasɛ ˈwʋ ˈplɩ, ˗n ˗ɲʋa ˈsɔ nɩ bhïla yɩ wɛlɩɩ. (Pr 15:22) Bhibhee Zoova ɔ ˗kamö sɛ ˗n ˈkää ˈzʋ slʋnɩ. (Zk 1:5) Mää ˗n yɩbhää ˗n ˈkä mö, sɛ ˗lii ˈplɩplɩnɩɛ ˗mä ˈmö tɛlɩ ˗sɛ n ˈkɩ yɩbhlɩnɩ. ˗N ˗käˈɛ bhɛnɩ mö ˗mä ˈylɩmöä ˈwë nzɩ ˗n ˈkä sɛ ˗n ˈkää bhäla ˈzʋ ˗lɛ ˗sɛ.

A NƖ YLƐ VIDEO LAGƆLIBHOO A NƲNƲDƆˈWƲ, A NƖ ˈTƐƐNƖ LAGƆ DLƖ: A NƖ MÖ MÄÄ LAGƆWƐLƖBIAWAA ˈNƖƐ ˗ZU, ˈN ˗A NƖ YƖLƖ NIMÏYƖBHÄKÏBHÏÏ ˈLƐ YƆWƲ

• ˈSaa ˈtɛɛnɩ a˗a bhä Gablie kɛˈmö ˈnɩ? ˈN ˈsaa kwänɔ ɔ ˈn ɔ yi ɔ ˈwlu ˈplɩ ˈnɩ?