“-Na dɩba -ɲɛ -na -da ˈsɔ, ˈzuë ˈklʋkpamö”

Dɛɛ Zezwii -wʋ a-a mäˈä dʋdʋ ˈwʋ, gba -a nʋä: “-Na dɩba -ɲɛ -na -da ˈsɔ, ˈzuë ˈklʋkpamö,” ɔ pɩɛnɩ a wɛlɩɩ ˈwʋ. (Ex 20:12; Mt 15:4) Zezwii bhɛnɩ a-a ɔ ˈkä -sɩbhä gbä. Ɛˈɛ -bhö ɲɩasɛ, maa ɔˈbhë, dɛɛ ɔ -wʋ a-a ˈtikëyi ˈwʋ, ɔ -lowluwa ˈmö ɔ ‘zʋä ˈklʋkpamö’ ˈyize. (Lk 2:​51) Ɔ ˈzʋä ˈkɔdɔ, ɔ lɛ nɩɩ ɔ -kä ˈku ˈwë, wa nɩ ˈzʋnɩ ɔ -da ˈyli.​—Zh 19:26, 27.

Zɩˈɛ a ˈyuëdɩgbö -wa -lɛ Klɩtɩɛwaa, wa -ɲɛ wa -lowluwa -kä ˈdɩ -sɛ, ˈwa bhïlabhïlasaa ˈmö wa köbhaa ˈyli, mii tulaa nɩɩ ˈklʋkpamö wa ˈzʋaa. Gba ˈla -a nʋä, -a nɩ ˈzʋ -aa -lowluwa ˈklʋkpamö, ˈylʋbö -zɩmö -a yi -kä oo, -a nɩ -gäna ˈyize. Wa yi aˈbhë -gɔ oo, -a nɩ -pʋnɩ ˈwa ˈdɩmözʋwɛlɩɩ ˈyukwli ˈyize, mii ˈkää tula nɩɩ, -a zuë ˈklʋkpamö. (Pr 23:22) -Aa -lowluwa -wa -gɔɔ, wa -kä dlɩpänɔ ˈmö -wʋ, ˈn -a -kʋa swɩ ɲɛmʋ ˈmö ˈpä, -a -kʋa moni ˈɲɛ, ˈklʋkpamö -a zuëë daˈa. (1Ti 5:8) -A yi ˈyuë glɩnɩ oo, -a yiˈɛ ˈkädɩ glɩnɩ oo, -a -ɲɛ -aa -lowluwa nɩ -sɛ ˈdɩ. -Lɛ a dɔˈwʋ -a yua ˈkwädlɩ ˈklʋkpamö ˈzʋ.

A NƖ YLƐ DESƐƐ -YƖ BHÖÖÄ -GBA ˈWƲ A VIDEO WA LAA SƐ N -ƝƐ NA -LOWLUWA ˈKÄ Ɔ BHÏLA ˈNƖ? ˈN A NƖ YƖLƖ KÏBHÏ ˈLƐ YƆWƲ:

• ˈSaa ˈkä ɔ ˈŋlɩ -kä, -n -ɲɛ -na -lowluwa ˈkä ˈdɩ -sɛ -kamö ɔ kɛˈmö ˈtɛɛnɩ ˈnɩ?

• -N -ɲɛ -na -lowluwa -kä ˈdɩ -sɛ dɔˈwʋ -wʋ, sɛ -n ˈkä ɔ tula nɩɩ, -n kä wa ˈklʋkpa ˈnɩ?

  

• -N ˈkä ˈyli yɔwʋ ˈtɛmanɩ nzɩ -n -ɲɛ -na -lowluwa ˈkä ˈdɩ -sɛ, -yɩ kä ɔ ˈŋlɩ ˈn yɩ kä ɔ dɛsɛ ˈnɩ? (Pr 15:22)