Pɔɔlʋ -wʋ batoo ˈmö, wa -wɔɔ Ghlɔɔmö kwä dɔˈwʋ

27:23, 24; 28:1, 2, 16, 17

Pɔɔlʋ -wʋ abhlɩ -jie ˈmö maa, ɔ bhïla a-a lagɔwɛlɩɩ ˈyize. Ɔ ˈɲɛ -mä batoo ˈmö a -nʋa ˈwuë lagɔwɛlɩɩ, ˈn batoosuwaa kökä. Batoo ɲimonɩɛ -mä Malɩtɩ ˈwë, ɔ ghlɩ ˈtɛɲɩ ˈn ɔ yiɛ nɩkpaa ɔ yɛmanɩɛ Lagɔ ˈa ˈtɩtɩ a -tɩtɩɩ ˈɲɛ. Ɔ ghlɛɛ -mä Ghlɔɔmö, ˈylɩ ta yɛ ˈplɩ ˈwë ˈn ɔ yiɛ Zwiiföwaa a ˈyukugänɩwaa wäzɩ ˈn ɔ yua lagɔwɛlɩɩ ˈɲɛ. -Buduu ˈmö, mää wa ˈzʋä Pɔɔlʋ -jieɲɔ a sɛ, ɔ -sɛ -mä ˈylʋbö ˈsɔ, maa nɩkpaa ˈwuë -wa yoo ˈylɩmöä, ˈmö ɔ ɲɛ a-a lagɔwɛlɩɩ.

-A -kä jie ˈmo -wʋ, gu -kaɲɩ ˈlɩbhää, -a -käˈɛ -sɩbhä a ki -mimii ˈmö -wʋ, sɛɛ -a ˈkä ɔ ˈzʋ nzɩ -a ˈkä Lagɔ ˈa ˈtɩtɩ a -tɩtɩɩ nɩkpa ˈɲɛ ˈnɩ?