-A nɩ kä ˈslɛlɛ -mä -aˈa lagɔwɛlɩbialibhoo ˈmö: -A nɩ ˈɲɛ ˈkukwlekäwaa lagɔwɛlɩɩ

ˈSAA KÄÄ ˈŊLƖ ˈN YƖ KÄÄ DƐSƐ: ˈKukwlekäwaa a -bɛ, nɩkpɛ a -mɔ waˈaa -yi, wa -ɲɔ ˈkä ˈdɩ -sɛ, kɛˈmö yɩ ˈtɛɛnuë teɲii. Zaa, -a ˈkä -sɩbhä a nɩkpa ˈla lagɔwɛlɩɩ ˈɲɛ a dɔˈwʋ, -a nɩ kä ˈnɛgö. Zoova kä teɲii ˈkukwlekäwaa a -wawʋ dlɩ zɛmö ˈn wa gbʋ plɛnɔɔ teɲii. (Lv 19:14) Zaa, -a ˈkä Zoova a gbäpöö -gänɩ a dɔˈwʋ, -a kä -a ˈkʋa kwänɩ wa ˈkä Zoova yɩbhlɩnɩ.

SƐƐ -N ˈKÄÄ ˈZƲ:

• “-A nɩ tɛlɩ ˈkukwlekäwaa sɛ.” (Mt 10:11) -N -yi ɔ nɩkpɛ -ɔɲɩ -kosu yɔwʋ a -nɔ -bhlʋ -lɛ ˈkukwlekäɲɔ -a? -Mä a ˈpɩɔ ˈyli mää a bianɩɛ lagɔwɛlɩɩ, ˈkukwlekäwaa a -sukugbë -kä -mä -wʋ, -zɩkpa a -wʋnɩɛ -sɩbhä a -nʋa ˈyli -kä -mä -wʋ, ˈn ˈkukwlekäwaa a ˈyize a -budu -käˈɛ -mä -wʋ, wa yɩbhä ɔ lagɔbɔgwɩɩ wa ˈcɛlɩɛ ˈkukwlekäwaa a za -a?

• -A nɩ tula nɩɩ wa gbʋ plɛnɩɲɩ. -A -kʋa -aa ˈtuawa a sɛ ˈwʋ ˈlibhï, ˈn wa gbʋ -kaɲɩ -tiamö plɛnɩ, yɩ yi gbä wa yi kuˈmö -bulonɩ. ˈN ˈkïbhë -maɲɩ gbʋʋ ˈkʋa plɛnɩ, ˈmö -a nɩ yɩlɩ yɔwʋ.

• Kwänuë wa ˈkä Lagɔ yɩbhlɩnɩ. ˈKukwlekäwaa -ɲɛ -waa sasɛ sɛ ylɩ ˈsɔ a za, -aˈa ˈwlugïganɩzɩkpaa -bhɛ lagɔbɔgwɩ a ˈki a -bɛ. -A nɩ ˈyɩbhɔ nimï, sɛ ɔ yɩbhää -a nɩ ˈcɩɛ. -Ɔ -wʋnɩɛ lagɔwɛlɩbialibhoo ˈyli nɩ kɩ dlɩ ˈwʋ nɩɩ, -ɔ -wʋnɩɛ lagɔbɔgwɩ ˈyli yɛ ˈkukwlekäwaa a ˈbɔgwɩ wa ˈyɩbhä ˈkämanɩ ˈwë.