A nɩ tula -wawʋ -mä ˈa ˈligbï ˈmö

-Wawʋ -lɛ -lu a -mu kää ˈŋlɩ ˈn ˈligbë ˈmö a -nʋa ˈdiodionɩɛ yɔwʋ. ˈLigbë ˈmö a -nʋa ˈnɩ -wawanɩɩ, waˈaa bhɛnɩ wa ˈkä ˈwʋ -wʋnɩ, waˈaaˈɛ bhɛnɩ wa ˈkä libho ˈwʋ nʋnɩ. ˈLuwluwaa muë, ŋlwɩɩ muë, ˈn ˈyuëlowluwaa, sɛ wa bhɛnɩ ɔ wa ˈkä -wawʋ tula -mä ˈwa ˈligbï ˈmö ˈnɩ?

ˈLuwli a -mɔ kää -wawʋ dlɩ zɛmö, -lii -yɩɲɩ gbʋ plɛnɩɛ ˈɔ ŋlɔ, sɛ ɔ pää dlɩ -lii -mimii a dɔˈwʋ, ˈn ˈsaa -wʋä -mä ɔ dlɩ zɛmö, ɔ ˈniɛ yɔlʋ ˈwʋ plɛnɩ. (Ɛf 5:28, 29) Ɔ kä ɔ ˈkä ˈɔ ˈligbëa ˈmö a -nʋa sasɛ ˈyli ˈzʋnɩ, ˈn ɔ käˈɛ ɔ ˈkʋa kwänɩ wa ˈkä Zoova yɔwʋ ˈdionɩ. -Lii ɔ ˈkää nʋ, yɩ glaˈmö a -nʋ mʋä nɩɩ, ɔ kä ɔ ˈkä ˈyli yɔwʋ ˈtɛmanɩ wa tɩa ˈwa ˈligbë ˈmö a Biblë a ˈcɩɛcɩʋ ˈwʋ ˈmɩɛ. (1Ti 5:8) ˈŊlɔ a -mɔ kää -wawʋ dlɩ zɛmö, ɔ kä ɔ ˈkä ɔɲɩ dʋdʋ ˈwʋ -lɛ, ɔ kä ɔ ˈkä ‘teɲii ɔ ˈluwli a ˈklʋkpa -kä.’ (Ɛf 5:22, 33; 1P 3:1-6) ˈLuwli -ɲɛ ŋlɔ ˈsɔ, wa kä wa ˈkä ˈmö -bhɩɔ wa ˈkä ˈwa -lizokuu a gbʋ ˈyi ˈtatitatinɩnɩ. (Ɛf 4:32) ˈYuëlowluwa -muë kää -wawʋ dlɩ zɛmö, wa kä wa ˈkä tula nɩɩ, ˈwa yuëa ˈwuë a gbʋ plɛnʋa bhʋlʋbhlʋ, wa kä wa ˈkʋa ˈcɩa wa ˈkä Zoova a -wawʋ dlɩ zɛmö -kä. (Dt 6:6, 7; Ɛf 6:4) -Lii a -mi ˈtɛɛnɩ ɔ ˈwa yuëa kɛˈmö -mä -suku ˈmö ˈnɩ? Sɛ wa zʋ ɔ ˈn wa plɩ ɔ wa ˈbhɩa a -mäpäpʋ ˈwlu ˈnɩ? ˈLigbë ˈmö a -nʋa -kä ˈkwädlɩ teɲii -wawanɩɩ, yɩ yi ˈŋlɩ -kä, wa dila zɛmö yi ˈkwädlɩ -pälɛpälɛ -wʋ ˈyize.

A NƖ YLƐ VIDEO, KÄ -NAˈA ˈLIGBË ˈMÖ A -NƲA A -WAWƲ DLƖ ZƐMÖ TEƝII, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  ˈLuwli a -mɔ -wa ɔ ˈlɛŋlɛ, sɛ ɔ ˈzʋnɔ ɔ ˈyli, ˈn sɛ ɔ -soo bhä -pälɛpälɛ ˈnɩ?

• 

  ˈŊlɔ a -mɔ kää -wawʋ dlɩ zɛmö, sɛ ɔ tula ɔ nɩɩ, ɔ kä teɲii ɔ ˈluwli a ˈklʋkpa ˈnɩ?

• 

  ˈYuëlowluwaa -wa kää -wawʋ dlɩ zɛmö, sɛ wa ˈcɩa ɔ ˈwa yuëa Lagɔ ˈa wɛlɩɩ ˈnɩ?