A nɩ -bhölɩ ˈkwädlɩnɩ!, a nɩ ghlɛnu ˈmö -mä lagɔwɛlɩbiabɛyɩ

Sɛɛ -a ghlɩɛ blosululu ˈn ˈbɔgʋlulu -a ˈkää ˈmö ghlɛnɩ -a ˈkä nɩkpa Biblë ˈcɩa, yɩ za -a ˈwuë ˈmäna. -A bhibhe Zoova ɔ -kaɲɩ ˈɲu ˈpä, -a ˈkä nɩkpa a -bɛ kwänɩ wa ˈkä Zezwii a -nʋa ˈzʋ. (Mt 28:18-20; 1Kɔ 3:6-9) Sɛɛ -a ˈkä ɔ ˈbɔgwɩ ˈla ˈsɔ -kpɔ, ˈmö ghlɛnɩ ˈnɩ?

ˈBɔgʋʋ, A nɩ -bhölɩ ˈkwädlɩnɩ!, -n yi sasɛ Biblë ˈmö ˈnʋ, wʋ slʋnɩɲɩ sɛɛ -a ˈkäaˈa -sɩkaa nɩkpa Biblë ˈcɩa. Zaa, a -kä nɩkpɛ Biblë ˈcɩa dɔˈwʋ -wʋʋ, a -käˈɛ aɲɩ ˈwlu gïganɩ dɔˈwʋ -wʋʋ, a nɩ -gänɩ ˈdɩmözʋwɛlɩ ˈlɛ.a

• A nɩ zɛlɩ ˈbɔgʋʋ ˈmö, ˈn a nɩ yɩlɩ wʋ ˈmö a nimïyɩbhäkïbhï yɔwʋ.

• Biblë a gbɛlɩ -yɩɲɩ yɔwʋ wa ˈzʋä “zɛlɩ ˈmö,” a nɩ zeli ˈmö, ˈn kwänɩ -mɔ -n ˈcɩaa Biblë nzɩ sɛɛ ɔ ˈkɩɛ -gänɩɩ, ɔ ˈkä -sɩbhä yɩbhlɩnɩ.

• A nɩ ˈzʋ -lɛ videwi, ˈn ˈbɔgʋʋ ˈmö a nimïyɩbhäkïbhïï, a nɩ ghlɛni mö nzɩ a ˈkä videwi ˈla a dɛsɛkäkïbhï ˈwʋ pɩɛnɩ.

• A nɩ ˈtɛmanɩ ˈyli yɔwʋ a ˈkä ˈcɩɛcɩɛkïbhëa ˈwuë zɛmö bhɩɛ, -gba -bhlʋ -kpɔ ˈmö.

-Mä lagɔwɛlɩbiabɛyɩ, -n -kä nɩkpɛ ˈylɩmö, blosu ˈla mö -n nɩ ˈɲɔ tɛɛ, -n ˈkɩ ˈylɩmö nɩɩ, lagɔwɛlɩɩ nɛnɔ dlɩ yɔwʋ. (Yɩlɩ dɛɛ wa ˈzʋä “-N -kä tɛkädɔˈwʋ nɩkpɛ ˈylɩmö, sɛɛ -n ˈkɔɔ blosu A nɩ -bhölɩ ˈkwädlɩnɩ! ˈɲɛ.” A -kä blosu zɛmö bhɩɛ ˈwë, -ɔ cɩɛɛ Biblë -kä ˈyɩbhä ɔ ˈkä ˈyukusɛ mö, ˈɲɔ ˈbɔgʋʋ, ˈn a nɩ tɛɛnɩ ˈcɩɛcɩɛkïbhë 04 ˈwʋ. ˈSaa Biblë ˈcɩaɲɩɛ, ɛ -käˈɛ Restez dans l’amour de Dieu ˈmö a nɩ -kä ˈmö ˈcɩɛnɩ dɔˈwʋ -wʋʋ, a nɩ ˈbhlenɩ, nzɩ a ˈkä ˈbɔgʋʋ A nɩ -bhölɩ ˈkwädlɩnɩ! ˈwʋ ˈlibhï. Maa, kïbhëa a ˈkää ˈwʋ tɛɛnɩ, -naˈbhë -nmö nɩ -saa -lɛ.

A NƖ YLƐ VIDEO, -AYO SƐƐ -N ŊLUÄ BIBLË A ˈCƖƐCƖƲ ˈWƲ A ZA, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• -Muë -a ˈcɩaa Biblë, ˈsaa wa ˈkä ɔ -mä ˈbɔgʋlulu ˈlɛ ˈmö ˈcɩɛ ˈnɩ?

• -Muë -a -wʋä ˈlili ˈwʋ Biblë ˈcɩa dɔˈwʋ, -yɩ kä ɔ ˈŋlɩ ˈn -a kä ɔ -a ˈkʋa video ˈlɛ ˈylimö tulanɩ ˈnɩ?

• -Mɔ -n ˈcɩa Biblë, -lii -miɲɩ dɔˈwʋ -n ˈkɔ bhä pɛɛpɛpɛɛpɛ swɩ ɲɛmö ˈmö ˈpä, nzɩ ɔ ˈkɩ nʋ ˈnɩ?—Yɩlɩ dɛɛ wa ˈzʋä “Sɛɛ -n ˈkää ˈzʋ pɩɩ ˈwuë a dɔˈwʋ”