ˈSaa -a bhɛnɩɛ -a ˈkä Samiɛlɩ a dɛ ˈcɩɛ

-Mä Samiɛlɩ ˈa zɩkpaa ˈwuë ˈmö, ɔ -glɛ a-a Zoova ˈwʋ ˈyize. Dɛɛ ɔ -lɛ a-a ˈyutikëyii, Eli ˈa yuëa Ɔföni -ɲɛ Fineasɩ ˈsɔ ˈa nʋnʋlizoku, ɔ ˈniɛ a-a nʋmö. (1S 2:22-26) Sɛɛ Samiɛlɩ ˈghlimanɩ a-a ˈyize, -sɩbhä Zoova -wɔ a-a -gömö ˈyize. (1S 3:19) Ɔ gɔɔ, ˈɔ yuëa ˈnɩɛ wabhlɩ Zoova -gänɩ ˈyize. Maa ɔ -gänɔ ɔbhlɩ ˈyize.—1S 8:1-5.

ˈSaa Samiɛlɩ ˈa wɛlɩɩ ˈcɩaɲɩ ɔ ˈnɩ? Abhʋa yuëa, a nɩ kɩ dlɩ ˈwʋ nɩɩ, ˈa kii a -wʋä ˈmö ˈn ˈsaa yɩ nʋaɲɩɛ ˈwlu, Zoova yɩlii ˈwʋ. Ɔ yeaɲɩ kwänɩ a ˈkä ˈyli yɔwʋ ˈtɛɛ. (Is 41:10, 13) Abhʋa ˈyuëlowluwaa, ˈa yuëa glaˈmö a -nɔ -kä Zoova gwë ˈdionɩɩ, a nɩ -yi sɛ nɩɩ Samiɛlɩ ˈa yuëa ˈzʋä ˈkädɩ ˈwë, ɔ ˈnʋaa ˈwlumö köbhanɩ nzɩ wa ˈkä Zoova bʋbɔ. Zaa ˈɔ wɛlɩɩ bhɛnɩ yɩ ˈkaɲɩ swɩ ɲɛmʋ ˈmö ˈpä. -Mä Zoova käˈmö, -mä ɔ ˈzʋ a-a -lii ˈwuë. Ɔ ˈkä nɩkpɛ a -mɔ zlɔnɩɛ ˈmö glɩnɩ ˈyize, ˈn ɔ ˈkä ɔ dɩba Zoova dlɩ yɔwʋ nɛnɩ, ˈmö ɔ tɛlɩ a-a sɛ ˈyize. A -kä -li a -lii nʋ ˈyize, yɩ yi -kamä yu ˈla -mä ˈsunɩ ɔ ˈkä ˈwʋ ˈsɔ Zoova -gänɩ.

A NƖ YLƐ VIDEO, -A NƖ ˈCƖƐ WA DƐ: SAMIƐLƖ ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Samiɛlɩ a ˈyuënɔ, sɛ ɔ tula ɔ nɩɩ ɔ ˈtɛɛ ˈyli yɔwʋ ˈnɩ?

• 

  Sɛɛ Dani tula ɔ nɩɩ ɔ ˈtɛɛ ˈyli yɔwʋ ˈnɩ?

• 

  Samiɛlɩ ˈkää gɔɔ, ˈsaa ɔ nʋ bhä -yɩɲɩ gbäpöö -a kä ɔ -a ˈkä -gänɩ ˈnɩ?

• 

  ˈSaa Dani a -lowluwa nʋ bhä -yɩɲɩ gbäpöö -a kä ɔ -a ˈkä -gänɩ ˈnɩ?