˗N ghlɛnɩ ɔ sasɛ Biblë a ˈyukwlipʋnɩlu ˈmö ˗a?

ˈSaa ˗lɛ ɔ Biblë a ˈyukwlipʋnɩlu ˈnɩ? Biblë wa laa Traduction du monde nouveau wa ˈcɛlɩnɩɛ ˈwʋ ˈsɔ, ɛ ˈyukwlipʋnɩlu wa ˗bhɛɛ, ˈmö wa laa ˗sɩbhä. Wa ˈkä ɛ ˈyukwlipʋnɩlu ˈla ˗bhɛ a dɔˈwʋ, nɩkpa a ˗bɛ mʋa bhïla ˗mä ɛ ˈmö. Wa ˗kä wɛlɩkïbhï ˗yɩ ˗wʋä ˗mä ˈmö zɛlɩ dɔˈwʋ ˗wʋ, sɛ wa ˈkɩɛ sasɛ ˈmö ˈnʋ ˈn sɛ yɩ ˈkäˈɛ nɩkpa a dila kɛ ˗zɩ, ˗sɩbhä wa zɛlɩɛ ˈmö.

Sɛɛ ˗mumuë ghlɩnɩ ɔ Biblë a ˈyukwlipʋnɩlu ˗li a ˗lii ˈmö ˈnɩ? Nɩkpa a ˗bɛ ˗pʋnɩɛ Biblë ˈyukwli, teɲii yɩ zɩɛ wa dila kɛ. Sɛɛ wa ghlɛnɩɛ nɩkpa a ˗bɛ ˈmö ˈn wa yiɛ Biblë a ˈyukwlipʋnɩlu ˗bhɛ a za, yɩ kä ˈŋlɩ ˈn nɩkpa a ˗bɛ ˗kɛɛ ˈyukwli ˗pʋnɩ dɔˈwʋ ˗wʋʋ, ɛ ˈkä ˗bhɩɛ nɩɩ ˗li ˈla a da ˗lɛ wa ˗wʋ a˗a ˗tiamö. (Pr 4:5) Nɩkpa ˗mumuë a ˗bɛ nʋˈɛ nɩɩ wa ˗kä dlɩpänɔɔ ˈmö ˗wʋ ˈn wa ˗kä Biblë ˈyukwli ˗pʋnɩ, yɩ kwänuë ˈn wa dila zɛmö plɛɛ ˗pälɛpälɛ.—Ps 94:19.

Wa ˗kä wɛlɩɩ ghäyɩ ˈpä ˈn wa ˗kä Lagɔ ˈa wɛlɩɩ ˈmö zɛlɩ dɔˈwʋ ˗wʋʋ, ˗a ˗kɩɩ ˈyukwli ˗pʋnɩ, yɩ bhɛnɩ yɩ ˗kaɲɩ libho a ˗libho ˈwlu nʋ ˗mä ˗aˈa zɩkpa ˈmö. (2Ch 34:19-21) Biblë a ˈyukwlipʋnɩlu ˗kä ˗bhölɩ ˗mä ˗naˈa gbʋ ˈmö, ˗n ˗kä ˗na ˈyize a Biblë a ˈcɩɛcɩʋ ˗bhɛ yii, ˗n bhɛnɩ ɔ ˗n ˈkɛ ˈyukwli ˗pʋnɩ ˈyize ˗a?

A NƖ YLƐ VIDEO WA LAA, PRODUCTION DE LA BIBLE EN AUDIO—ˈPƖƆ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

Biblë a ˈyukwlipʋnɩlu wa ˗bhɛ a dɔˈwʋʋ, ˈsaa zɩ ɔ ˗naˈa dlɩ kɛ ˈnɩ?