Kwänɩ ˗naˈa ˈligbë ˈmö a ˗nʋa wa ˈkä ˈmäna ˈmö ˗wʋ

Zoova yɩbhä nɩɩ ˈligbï ˈwuë nɩ ˗wʋ ˈmäna ˈmö. (Ps 127:3-5; Ec 9:9; 11:9) ˈLɩlɩlɩ a dɔˈwʋ, ˈpɩwʋzokwë nɩ a za, ˈn ˗aˈa ˈligbë ˈmö a ˗nʋa a nʋnʋlii a za, ˗aˈa ˈmäna bhɛnɩ a ˗kaɲɩ dlɩ zɛmö bhɩɛ. ˗Maa, ˈsaa ˈligbë ˈmö a ˗nʋa bhɛnɩ ɔ wa ˈkä bhʋlʋbhlʋ nʋ nzɩ wa ˈkä ˈmäna ˈmö ˗wʋ ˈnɩ?

ˈLuwli kä ɔ ˈkä ˈɔ ŋlɔɔ a ˈklʋkpa ˗kä. (1P 3:7) Ɔ ˗ɲɔɔ ˈsɔ nɩ ˗sɛnɩ ˈtɛɲɩ ˈgämö. Ɔ kä ɔ ˈkɔ ˈmö ˈnʋ. ˈN sɛ ŋlɔɔ ˈzʋnɔ ˈyli, ˈn sɛ ɔ ˈzʋnɩˈɛ ˈɔ ˈligbëa ˈyli a za, ɔ kä ɔ ˈkɩ yɩlbhlɩnɩ. (Ko 3:15) ˈLuwli käˈɛ ɔ ˈkä ˈɔ ŋlɔɔ ˈylimö tulanɩ nɩɩ ɔ ˗wɔɔ, ˈn ɔ kä ɔ ˈkɔ bhɩzɩ, ɔ ˈkɔ swɩ ɲɛmʋ ˈmö ˈpä.—Pr 31:28, 31.

Ŋlɔɔ kä ɔ ˈkä ɔ ˈluwli kwänɩ. (Pr 31:12) Ɔ kä ɔ ˈkä ɔ ˈluwli ˈklʋkpamö ˈzʋ ˈn ɔ ˗ɲɔɔ ˈsɔ, wa nɩ ˈnʋnʋnɩ ˈmö. (Ko 3:18) Ɔ ˗ɲɔ ˈsɔ wa ˗kä bhïla dɔˈwʋ ˗wʋʋ, ɔ kä ɔ ˈkä dlɩwätɛsɛ bhïla.—Pr 31:26.

ˈYuëlowluwaa ˗ɲɛ ˈwa yuëa ˈsɔ, wa nɩ ˗sɛnɩ ˈtɛɲɩ ˈgämö. (Dt 6:6, 7) Wa nɩ ˈɲʋa ˈdɩ nɩɩ, wa ˗wʋä. (Mt 3:17) Wa ˗kʋa ˈmö zlɔmanɩ dɔˈwʋ ˗wʋʋ, wa nɩ tula nɩɩ wa kä wa ˗wawʋ dlɩ zɛmö, ˈn wa nʋä ˈmö.—Ɛf 6:4.

Yuëa kä wa ˈkä wa ˗lowluwa ˈklukpamö ˈzʋ. (Pr 23:22) ˈSaa ˗wʋä ˗mä wa dlɩ zɛmö ˈn sɛ wa yɩlɩɛ ˗lii ˗mimii ˈwʋʋ, wa nɩ ˈɲɛ yɩ wɛlɩɩ wa ˗lowluwa. Wa ˗lowluwa ˗kʋa ˈmö zlɔmanɩɩ, wa nɩ ŋlu ˈwʋ ˈn wa nɩ ˈzʋa ˈklʋkpmö.—Pr 19:20.

A NƖ YLƐ VIDEO ˗WƲ NƲÄ, ˗A ˗ƝƐ ˗AˈA ˈLIGBË ˈMÖ A ˗NƲA ˈSƆ NƖ ˗WƲ ˈMÄNA ˈMÖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

ˈSaa wa nʋ ɔ bhʋlʋbhlʋ nzɩ ˈwa ˈligbë ˈmö a ˗nʋa ˈkä ˈmäna ˈmö ˗wʋ ˈnɩ?