Lagɔ ˈa ˈkämanɔɔ a -suku a ˈwʋligbanɩkïbhï
ˈDimasɩ -ɛ tɛɛnɩɛ ˈylʋba wa laa 2015 a Desablɩ a ˈylɩ 28 ˈwʋ, nimïyɩbhäkïbhï -yɩ ˈcɛlɩɛ dɛˈɛ ˈmö -a ˈkää ˈwʋligbanɩ -mä -aa lagɔlibho a -suku ˈmö. Ylɩ -ɛɲɩ ˈmö -a ˈkää ˈkïbhï ˈla yɔwʋ yɩlɩɩ ˈmö wa zʋä -mä, -lɛ a dɔˈwʋ -a -kä -aaɲɩ ˈwlugïganɩ dɔˈwʋ -wʋ, ˈdimasɩa ˈwuë ˈmö -lii -yɩ bhɛnɩɛ yɩ -kaɲɩ kwänɩ -suku a dɔˈwʋ, -a ˈkɩ sɛtɛlɩ.
-Mumuë -kä 1 Chroniques 20:3 ˈmö zɛlɩ wa pää dlɩ nɩɩ, -glasɛ Daviidɩ köbhää ˈɔ göwa, -sɩbhä yɩ -wʋ bhä -tiamö -a? [2 Nov, w05-F 15/2 p. 27]
ˈSaa kwänɩ a-a bhä Daviidɩ ˈn ɔ nɛnɩ a-a bhä dlɩ zɛmö ˈnɩ, ˈn ˈsaa -kaɲɩ ɔ kwänɩ a ˈkä -sɩbhä ˈzʋmö ˈnɩ? (1 Chron. 22:5) [9 Nov, w05-F 1/10 p. 11 § 7]
Sɛɛ Daviidɩ yɩbhä a-a bhä ɔ ˈkä gbä dɛ ɔ ˈɲɛɛ a-a Salomɔɔ ˈdɩ nɩɩ: “yɩbhlɩnɩ -na dɩba a Lagɔ”? (1 Chron. 28:9) [16 Nov, w10-F 1/11 p. 30 § 3, 7]
-Lu ˈla Salomɔɔ ˈyɩbhänɩɛ Lagɔ -mä 2 Chroniques 1:10 ˈmö, ˈsaa yɩ tulanɩɲɩ bhä ˈylimö ɔ dɛ ˈnɩ, ˈn -a -kä -aˈbhï aˈa bhibhewɛlɩ dlɩ kɛ ˈpänɩɩ, ˈsaa -a bhɛnɩ ɔ -a ˈkä ˈcɩɛ ˈnɩ? (2 Chron. 1:11, 12) [23 Nov, w05-F 1/12 p. 19 § 6]
-Mä 2 Chroniques 6:29, 30, ˈmö a dɔˈwʋ, ˈslɛlɛ a ke ma a ˈyize Zoova kä bhä nɩ, ˈn ˈsaa kä bhä ˈŋlɩ ˈn -a -kä Lagɔ bhibhee dɔˈwʋ -wʋ ˈn -a ˈkɔ bhä -aˈa dila zɛmö a wɛlɩ ˈɲɛ ˈnɩ? (Ps. 55:22) [30 Nov, w10-F 1/12 p. 11 § 7]
ˈSaa Azaa ylɩɩ bhä -gömö ˈn ɔ yi bhä Lagɔ bhibhe ɔ ˈkä ˈslʋjaa -zɩkpa ˈkäda ˈwlu ˈplɩ ˈnɩ, ˈn ˈsaa -a käɔ -a ˈkä dlɩ ˈwʋ -kä -mä -aˈa tʋ -a -ɲɛ Sataa ˈsɔ -wʋä gwɩ dɔˈwʋ ˈnɩ? (2 Chron. 14:11) [7 Dec, w12-F 15/8 p. 8 § 6–p. 9 § 1]
Dɛɛ ˈbhlɩlowli Zozafatɩ ˈkää ˈɲinloli nʋʋ, sɛɛ Zoova köbhɔɔ, sɛɛ yɩ tulanɩɲɩ bhä ˈylimö nɩɩ, Lagɔ -wa ɔ -waɲɩɛ ˈnɩ, ˈn -a -kä -lɛ a wɛlɩ ˈla -gömö ylɩɩ, sɛ -a kä ɔ -a ˈkä -aa ˈbhɩa ˈwʋ ylɩ ˈnɩ? (2 Chron. 19:3) [14 Dec, w03-F 1/7 p. 17 § 13; cl-F p. 245 § 12]
ˈSaa käɔ ˈŋlɩ ˈn sɛɛ -a ˈkä bhä Zoova “nimï ˈplɩ” ˈn -a ˈkä ɔ “ˈtɩɩ glɩ”? (2 Chron. 20:17) [21 Dec, w05-F 1/12 p. 21 § 2; w03-F 1/6 p. 21 § 15-16]
Dɛsɛkäwɛlɩ a -mii -a kä bhä -a ˈkä dlɩ kɛ pänɩ -a ghlɩ -mä 2 Chroniques 21:20 ˈmö, Zʋlaamö a ˈkwie a dɔˈwʋ ˈnɩ? [21 Dec, w98-F 15/11 p. 32 § 4]
-Mä 2 Chroniques 26:5 ˈmö, -ɔɲɩ gbäpöö -yɩ -gää kɛ, ɲɛgbayu wa laa Oziasɩ -gänɩ bhä ˈnɩ, ˈn sɛɛ zɩˈɛ a ɲɛgbayuëa ˈkä bhä lagɔzɩkpa ˈmö a -nʋa -wa ˈklʋä ˈyli yɔwʋ a dɛ -li a -lii ˈcɩɛ ˈnɩ? [28 Dec, w07-F 15/12 p. 10 § 2, 4]