Kuan-kuanen

17 Ulin man sepotong roti si kerah tapi i bas dame*+

Asangken mbue man pangan* bas rumah si lit perjengilen.+

 2 Pelayan si erpengangka erkuasa pagi nandangi anak tuanna si pemela-melaken,

Dat warisen pagi ia radu ras anak tuanna.

 3 Pirak ras emas imurniken alu api,+

Tapi Jahwe kap si mereksa pusuh.+

 4 Kalak jahat megiken ranan si meser,

Janah penipu megiken pitnah.+

 5 Ise pe si nokohi kalak si mesera hinana Si Nciptaken ia,+

Ise pe si ermeriah ukur ngidah kesusahen kalak si deban pasti ihukum.+

 6 Kempu* bagi mahkota man kalak si enggo metua,

Janah orang tua* kap si ibanggaken anak-anak.*

 8 Hadiah bali bagi batu si merga man si mpunasa,+

Ku ja pe ia lawes, si e erban ia berhasil.+

 9 Kalak si ngampuni kesalahen, mbuktiken kekelengen,+

Tapi kalak si singetkenna lalap sada masalah, nirangken kalak si kompak.+

10 Kalak si erpengangka, sekali pe ipersingeti mis angkana,+

Tapi kalak si motu, seratus kali pe ipekpek lalap la angkana.+

11 Kalak jahat mberontak ngenca atena,

Tapi ikirim pagi utusen si kejam guna ngukum ia.+

12 Ulin jumpa ras beruang si kebenen anakna

Asangken jumpa ras kalak bodoh ras kebodohenna.+

13 Adi si mehuli ibalas kalak alu kejahaten,

La pagi lawes kejahaten arah rumahna.+

14 Mbenaken perubaten bali bagi mbuka bendungen,

Laweslah ope lenga terjadi perubaten.+

15 Ciga ate Jahwe kalak si mbebasken kalak jahat

Ras kalak si ngukum kalak si benar.+

16 Kai gunana ngasup gia kalak bodoh ndatken kepentaren,

Adi la lit sura-surana ndatkenca?+

17 Teman situhu-tuhu lalap ncidahken kekelengen,+

Janah ia jadi senina sanga lit kesusahen.+

18 Kalak si la rukur sisalamen ras kalak si deban guna jadi bukti setuju ia

Mereken jaminen i lebe-lebe temanna.+

20 Kalak si licik ukurna, labo pagi berhasil,+

Kalak si nipu, ndabuh pagi janah hancur.

21 Anak si bodoh erban bapakna sedih,

Anak si la rukur erban bapakna rate ceda.+

22 Pusuh si senang eme tambar si mejile,+

Tapi ukur si serbut erban bene semangat.*+

23 Kalak jahat ngaloken sogok alu erbuni-buni

Gelah keadilen la banci itegakken.+

24 Kalak si lit pengertinna, tutus atena ndarami kepentaren,

Tapi kalak si bodoh, ukurina ku jah ku je.+

25 Anak si bodoh erban bapakna sedih

Janah erban mamakna rate ceda.+

26 La mehuli adi kalak si benar ihukum,*

Janah la cocok adi kalak si ihamati ipekpek.

27 Kalak si lit pemetehna jagana rananna,+

Janah kalak si lit pengertinna tetap ia tenang.+

28 Kalak si bodoh pe adi sinik ia, akap kalak ia pentar,

Janah kalak si sinik, akap kalak lit pengertinna.