Ketangkasen
1 Enda ketangkasen si bereken Dibata man Jesus Kristus+ guna ncidahken kai pagi si pasti terjadi man budak-budak Dibata.+ Suruh Jesus malekatna ndahi budak Dibata* eme Johanes guna ngataken kerna si e arah tanda-tanda.+ 2 Emaka kataken Johanes kerina si enggo idahna e. E me kata Dibata bage pe kesaksin si bereken Jesus Kristus. 3 Ermeriah ukurlah kalak si mbaca nubuat enda alu sora si megang ras si megikenca, bage pe si ndalanken kai si tertulis bas nubuat e,+ perban waktu si tetapken Dibata enggo ndeher.
4 Tulisken Johanes man pitu runggun+ si lit bas Propinsi Asia:
Mbera-mbera aloken kena kiniulin si luar biasa ras kedamen arah “Dibata si enggo lit mbarenda nari, gundari, ras bas waktu si nandangi reh,”+ bage pe arah pitu kesah si badia+ si lit i lebe-lebe tahtaNa, 5 bage pe arah Jesus Kristus, eme “Saksi si Setia,”+ “Si pertama ipegeluh arah si mate nari,”+ janah “Penguasa nandangi raja-raja i doni enda.”+
Keleng ate Jesus kita+ janah bebaskenna kita arah dosa-dosata alu darehna.+ 6 Jadikenna kita raja-raja+ ras imam-imam+ guna ngelayani Dibata eme Dibatana ras Bapakna. Man bana kap kemulian ras gegeh seh rasa lalap. Amin.
7 Nenlah! Reh ia alu embun+ janah kerina kalak ngidah ia, termasuk kalak si pernah nebak ia. Perban ia, kerina suku i doni enda mekpeki bana pagi alu erceda ate.+ Payo, Amin.
8 Nina Dibata Jahwe,* “Aku Alpa ras Omega.*+ Aku Si Madakuasa si enggo lit mbarenda nari, gundari, ras bas waktu si nandangi reh.”+
9 Aku Johanes, turang senina kena, si radu ras kena jadi raja,+ si ngadapi kiniseran,+ janah setia*+ selaku pengikut Jesus.+ Aku i Pulau Patmos perban kucakapken kerna Dibata janah ersaksi kerna Kristus. 10 Perban ikuasai kesah Dibata, aku lit bas wari Tuan. Kubegi sora si megang bagi sora trompet i pudiku, 11 nina sora e, “Kai si enggo idahndu, tulislah e bas sada gulungen janah kirimken man pitu runggun, i Epesus,+ Semirna,+ Pergamon,+ Tiatira,+ Sardis,+ Piladelpia,+ ras Laodikea.”+
12 Kunen ku pudi guna ngenen ise si ngerana man bangku e. Kuidah pitu nahe lampu si iban arah emas nari.+ 13 I tengah-tengah nahe lampu e lit kuidah bagi anak manusia.+ Pakena baju si gedang seh ngasa nahena, janah lit uis si iban arah emas nari iiket bas dadana. 14 Selain si e, buk takalna seh kel mbentarna bagi salju, janah matana bagi api si gara.+ 15 Nahena erkilat bagi tembaga murni+ si sangana meleleh bas tungku api, janah sorana bagi sora air terjun si galang. 16 Bas tan kananna lit pitu bintang,+ arah babahna nari ndarat sada pedang si gedang, ntelap, janah dua babahna.+ Ayona ersinar bagi matawari si terang.+ 17 Sanga kuidah ia, ndabuh aku i nahena bagi kalak mate.
Jenari jemakna aku alu tan kananna, nina, “Ula kam mbiar. Aku kap Si Pertama+ ras Si Terakhir,+ 18 janah aku kap si nggeluh.+ Mbarenda pernah aku mate,+ tapi nenlah, gundari aku nggeluh seh rasa lalap.+ Lit bas aku kunci kematen ras kunci Kuburen.*+ 19 Emaka tulislah kai si enggo idahndu, kai si sangana terjadi, janah kai pagi si terjadi. 20 Enda rahasia si badia eme pitu bintang si enggo idahndu bas tan kananku bage pe pitu nahe lampu si iban arah emas nari. Pitu bintang ertina malekat-malekat bas pitu runggun, janah pitu nahe lampu ertina pitu runggun.+