Ketangkasen

14 Kenca si e, kuidah tedis Anak Biri-Biri e+ i Gunung Sion.+ Ras ia lit 144.000 kalak,+ bas perdempaken kalak e lit tertulis gelarna ras gelar Bapakna.+ 2 Lit kubegi sora langit nari. Sora e bagi sora air terjun si galang ras bagi sora lenggur si megang. Sora si kubegi e pe bagi sora kalak si rende janah main harpa.* 3 Endeken kalak e lagu bagi lagu si mbaru+ i lebe-lebe tahta e, i lebe-lebe empat mahluk si nggeluh,+ bage pe i lebe-lebe pertua-pertua.+ Si banci ngendeken lagu e, eme 144.000 kalak+ si enggo itukur arah doni nari. 4 Kalak e kerina bersih, sebap la najiskenna bana ras diberu. Tetap kalak e badia bagi singuda-nguda.+ Ikutken kalak e Anak Biri-Biri e ku ja pe ia lawes.+ Kalak e enggo itukur+ arah manusia nari, janah kalak e kap buah rani si pertama+ si ipersembahken man Dibata ras man Anak Biri-Biri e. 5 La pernah kalak e erbual, la lit si cacat bas kalak e.+

6 Kuidah malekat si deban kabang meganjang i langit. Bas ia lit berita si meriah si la ermasap-masap guna iberitaken man kerina si tading i doni enda, man tiap bangsa, suku, bahasa, ras umat.+ 7 Alu sora megang nina malekat e, “Mbiarlah man Dibata janah muliakenlah Ia. Sebap enggo seh waktuna Dibata ngakimi manusia.+ Sembahlah Ia si njadiken langit, doni, laut,+ ras sumber-sumber lau.”

8 Kenca si e, reh malekat si peduaken ngikutken malekat si pertama, alu sora megang nina, “Ia enggo ndabuh! Babilon si Mbelin+ enggo ndabuh!+ Banna kerina bangsa minem lau anggurna, eme napsuna guna ngelakoken perbahanen seks si salah!”*+

9 Kenca si e, reh malekat si peteluken ngikutken malekat ndai, alu sora megang, nina, “Ise pe si nembah binatang buas bage pe si nembah patungna,+ ras si ngaloken tanda bas perdempakenna ntah bas tanna,+ 10 inem kalak e ka pagi anggur rawa Dibata, eme anggur si la lit campurenna, si iamburken ku calung* rawa Dibata.+ Isiksa pagi kalak e bas api ras bas belerang,+ i lebe-lebe malekat-malekat si badia ras i lebe-lebe Anak Biri-Biri e. 11 Asap api si nyiksa kalak e nangkih seh rasa lalap.+ Ise pe si nembah binatang buas bage pe si nembah patungna, ras si ngaloken tanda gelarna, ihukum ia la erngadi-ngadi suari ras berngi.+ 12 Perban si e maka kalak si badia arus tetap setia.*+ Kalak e si tetap matuhi perentah Dibata, janah terus erkiniteken+ man Jesus.”

13 Jenari kubegi sada sora langit nari, nina, “Tulislah enda: Ermeriah ukurlah kalak si gundari nari mate bas persadan ras Tuan.+ Payo, alu kesah si badia ikataken maka pediatlah kalak e istrahat arah kerja kerasna nari, perban kai si enggo lakoken kalak e labo lupaken Dibata.”*

14 Kenca si e, kuidah embun mbentar, janah lit si kundul i datas embun e bagi anak manusia.+ Bas takalna lit mahkota emas janah bas tanna lit sada sabi-sabi si ntelap.

15 Kenca si e, ndarat malekat si deban arah ingan si badia* si lit i rumah pertoton. Alu sora megang, ngerana ia man si kundul i datas embun e, “Ayunkenlah sabi-sabindu janah peranilah, perban enggo seh waktuna guna rani. Payo, peranin bas doni enggo seh waktuna.”+ 16 Ia si kundul i datas embun e ngayunken sabi-sabina janah peranina doni enda.

17 Ndarat ka malekat si deban arah ingan si badia si lit i rumah pertoton i surga. Ia pe jemakna sabi-sabi si ntelap.

18 Kenca si e, ndarat ka malekat si deban arah ingan nutung* persembahen, erkuasa ia man api. Alu sora si megang, ngerana ia man malekat si njemak sabi-sabi si ntelap ndai, “Ayunkenlah sabi-sabindu si ntelap ena janah pepulung batang anggur i doni, sebap enggo tasak buahna.”+ 19 Emaka ayunken malekat ndai sabi-sabina janah pepulungna sinuan-sinuan anggur i doni. Jenari ambekkenna ku ingan meras anggur si galang, si ngertiken rawa Dibata.+ 20 Buah anggur e iperjaki i darat kota, janah arah ingan meras anggur e nari maler dareh seh asa kira-kira 296 kilometer* dauhna, janah ganjangna seh asa babah* kuda.