Fitiavana magnamia atsika djitihadi hampihomba faida ndri holu hafa aluha nintsika.
Karaha akori ampizahana fitiavana an ndri namana
Atsika djabi havagna areki vo atsika ri zanaka ni lalahi vualuhani, Adam. Ata ka fitiavana ndreki fikustehina ro raha dasina an holu havagna areki fankatia, ijioti sarutru mahita fitiavana karaha iu. Tsi iu ro raha nihilan’Ndragnaharitsika ni fitiavana.
RAHA VULANYINI SORATRA MASINYI MIKASIKI FITIAVANA
« Anau tokutru mitia namanau karaha anau tompini » (LEVITIKI 19:18).
« Tiava fahavalunau » (MATA 5:44).
MANANI MITIA
Zaha raha ambaran’Ndragnahari mikasiki fitiavana agnati ni Vulagnanazi an 1 Reu Korinti 13:4-7 :
« Fitiavana, mahatanti ndreki tsara rohu. »
Midziria an raha ti : Wakatini misi holu mahatanti ndreki tsara rohu ndreki anau, wala izi tsi meluku sibabu kosa natonau, inu raha agnati ni rohunau ?
« Fitiavana tsi mamarahi. »
Midziria an raha ti : Wakatini misi holu manyiri swafi au tsi kwamini anau hata hata, inu raha agnati ni rohunau ?
Fitiavana « tsi mitsakaraka faida ni izi tompini ».
Midziria an raha ti : Wakatini misi holu mikustehi fikiranau wala anau tsi kuserini hikubali ninazi, inu raha agnati ni rohunau ?
Fitiavana « tsi mitana kosa nato ».
Midziria an raha ti : Ndragnahari kubali hikuswamihi holu nagnanu raha rati aminazi, fo neka reu manenyina. « Izi tsi mipudi kua an raha rati natotsika wala tsi tanini agnati ni rohunazi » (Zabura 103:9). Atsika ravuravu wakatini misi holu natotsika raha rati, mikuswamihi atsika ! Basi, atsika tokutru kubali hikuswamihi holu magnanu atsika rati (Zabura 86:5).
Fitiavana « tsi ravuravu ndreki raha tsi haki ».
Midziria an raha ti : Wakatini misi raha rati vuatsika, tsi tiatsika amba holu ravuravu ndreki izi iu. Basi, atsika tsi tokutru ravuravu ndreki raha vua holu hafa, ata ka reu nagnanu atsika rati.
Neka atsika mila ahazu baraka boka an Ndragnahari, atsika tokutru mitia ri holu hafa, wala tsi mifidi sora, an fagnarahana modeli reu. Fitahitahina ri namatsika ro modeli ankitinyi ampizahana izi iu.