Mame bôte ba so ba yiane yem

BENYOÑE BÔT Bôt be nga téléban asu na be volô mia. Bia ja’é mia na mi tôñe melep ba ye mia ve mfa’a ya di da bebe bevôme ba telé bibi’iti, avale mia yiane nyiine nge kui aba bitôkan, ajô ya naane bôte bevo’o bito, nge melep mefe me ne bo mfi.

BIÔME BIA TE JAÑ Nge wo te yene jôm éziñ, ve ô teke yeme môt a nee je, kele’e je wofise ô ne asu biôme bia te jañ. Nge wo jeñe jôm éziñ, kele’e wofis ôte, ô ke yemelane ji é ne énjôé. Bebiaé be ne ke wôé, a jeñe bone bap ba te jañ. Ve mfa’a ya bo te tyelé nleme yôp e zezé, bia ye’elane wo na ô kôme ba’ale bone bôé fefele jôé.

BITO Semé’é bôte bevok. Te vuane na, ô ne ba’ale bito ve asu bôte mia be be mia te so metua wua, bôte mia be be mi to nda jia, nge bôte mia be be mia yé’é Kalate Zambe. Te bôé biôm bito nge wo ye ke tabe.

MBATIZÔ Bito y’ôsu, nnoñe ya ézezañ, bi ne asu bôte ba ye duban. Bôte bete ba yiane tabe bito bite mame tyé ya Môs éwônga ôsusua na, nkañete ya mbatizô wo taté. Môt ase a yiane so tawôlô wé, a biyé bi ne éjijin asu mbatizô.

MINVEAN Beta étôkane nyi a te sili abui moné asu nkômane bito, biko mezik, a abui mam mefe ma ye volô na étôkan é bo abeñ, a na é volô bia na bi subu Yéhôva bebé. Mimveane miôé mia so nlem, mia ye su’u beta étôkane nyi, a ésaé nkañete ya si ése. Minkobe mi tele mingumba bevôm asu mimveane mite. Bia ye kañese mimveane mite mise a mevak. Ô fe bo miveane a nkol a zene donate.jw.org. Tin Ékôan ja ve wo akéva asu mbamba nleme wôé a tindi wo na ô suk Éjôé Zambe.

MVOLAN ASU MINKÔKON Ba’ale’e na, mvolan ôte ô ne ve asu akon da bi wo atemetem.

WOFISE YA BÔT BA SAÉ A MBAMBA NLEM Nge wo kômbô volô bisaé biziñe ya beta étôkane nyi, jeñe’e na ô yene bôte ya wofise wo tebele bôt, a wofise ya bôte ba saé a mbamba nlem.