Kele’ ôsu a yange a mbane ya jibi

Ô yangeya mimbu tañeya na Éjôé Zambe é so? Nté ôse wu, ye wo yange fo’o a ôjibi to’o wo tôban étibila’a? (Bero 8:25) Bekristene béziñ ba tôban avale minju’u di: éfema’a, étibila’a, mimbôk, nge ke awu. Bevo’o be bili ngul ôkon, bevo’o ke be yômbôya.

Jé ja ye volô bia na bi ke ôsu a yange akusa bo minju’u bia tôbane mie? Bia yiane lañe Kalate Zambe môs ôse a bindi mame bia yé’é, nalé a ye wônô mbunane wongan. Bia yiane beme mise mangane ndi nleme jangan. (2Bec 4:16-18; Beh 12:2) Bia yiane ye’elane Yéhôva na, a ve bia ngule ya mbamba nsisime wé. (Lc 11:10, 13; Beh 5:7) Ésa wongan a nye’e bia a ne ngule ya ve bia “abui njiban ese afulane mevak.”​—Beco 1:11.

YENE’E VIDÉO A NE NLÔ AJÔ NA, BIA YIANE ‘KE MIMBIL A ÔJIBI,’ MATE’E NA Ô DAÑ!, MVUSE YA VALÉ, YALA’ANE MINSILI MI:

• 

  Mbia jame mbé a ne kui bia atemetem? (Éc 9:11)

• 

  Aval avé meye’elane me ne volô bia na bi jibi minjuk?

• 

  Nge été jangan ja kamane bia na bi bo Yéhôva ésaé avale bi mbe bi bo’o melu mvus, amu jé bia yiane bo abime bi ne ngule ya bo?

• 

  Jé ja volô wo na ô tabe ndi na wo ye bi ma’ane Zambe a ka’ale bebo bisaé bé?