ÉNYIÑE BEKRISTEN

Ye ô ne fo’o nkômesane ya nyiñ azoé été?

Bi nji bo fe’e ne vema éyoñe bia yene na émo minlañ ése é ne azoé été. Amu jé? Amu bi nga nyiñe memane ya melu ma su’ulan, nde fe Bible a ve bia abendé na bi bo teke futi ndi nleme jangan “akum é ne mane tyi’ibi.” (1Tm 6:17; 2Tm 3:1) Aval avé jam é nga kui Josaphat da volô bia na bi kômesane na bi ne nyiñ azoé été?

Éyoñe besiñe bé be nga wosane nye, Josaphat a nga tabe ndi a Yéhôva. (2Mka 20:9-12) A nga kômesane fe ayoñe mfa’a ya yemete minlam a telé minkane bezimbi. (2Mka 17:1, 2, 12, 13) Aval ane Josaphat, bia fe bia yiane tabe ndi a Yéhôva a bo nkômesan asu minju’u mia zu bia ôsu.

JÉ BI NE BO ASU NA BI KÔMESANE NA BI NE NYIÑ AZOÉ ÉTÉ?

Kômesa’ane mfa’a ya nsisim: Va’ak a abime biôm ô bili, yemete’e fe ndi nleme jôé na Yéhôva a ne ngule ya jalé miñyiane miôé môs ane môs. (Mat 6:26; 1Tm 6:8) Nyoñe’e ntyi’ane ya bo teke biasé miñye’elane mi Yéhôva amu wo kômbô jalé miñyiane mite. (Rom 2:21) Fasek avale wo ye bi bidi ya nsisim nge da kui na, ô nji bi courant nge internet. Ba’ale’e bone bekalate ba kui afep, a nge nalé a ne boban, ô ne limiti bekalate wo ye belane be nkol.

Bo’o mone ngômôtô: Ôsusua na azoé da bi wo, bo’o nta’ane mam asu ya na ô yen aval ô ne sé’é bikôla biôé, a te kuse biôme bi nji bo wo mfi. (Min 22:7) Ô ne fe tôkan abime bidi da sili a biôme bife bi ne volô wo. Bôte béziñe be wô’ô bé bidi asu na be bi moné.

YENE’E VIDÉO A NE NLÔ AJÔ NA, YE Ô NTO FO’O NKÔMESAN ASU BIBUBUA? MVUSE YA VALÉ YALA’ANE MINSILI MI:

Fôtô ya vidéo a ne nlô ajô na, “Ye ô nto fo’o nkômesan asu bibubua?” a liti Bible, ékpwaé, téléfôn a bôte ba lôñe menda.

Jé môt ase ya be bia a ne bo asu na a kômesan asu bibubua?

Éyalane jôé

Fôtô ya vidéo a ne nlô ajô na, “Ye ô nto fo’o nkômesan asu bibubua?” a liti ane bobejañe ba suk bôte ba te tôbane bibubua, ba litane biôm bi ne camion été.

Aval avé bi ne bo nkômesane ya volô bôte bevok?

Éyalane jôé