YEME’E BO MINJOMAN
AYÉ’É 7
Kele’e ôsu a volô bôt
Ñye’elan: “Be nga ke ôsu teke wo’one na ba ye’ele a kate mbamba foé.”—Mame mi. 5:42.
Jame Paul a nga bo
1. Yene’e VIDÉO, nge ke na lañe’e Mame minlôman 19:8-10. Mvuse ya valé fase’e minsili mi:
Aval avé bia yeme na Paul a mbe mban ésaé nkañete?
Biyoñe tañeya Paul a nga ye’ele bôte be mbe be kômbô’ô vô’ôlô mejô me Zambe, a a nga bo de abim éyoñ avé?
Éve’ela Paul ja ye’ele bia jé?
2. Bia yiane ve éyoñe jangan a ngule jangan asu na bi yeme bo minjoman a taté meyé’é.
Bo’o ane Paul
3. Bo’o nkômesane ya ke jome môt éyoñe ja yiane nye. Sili’i womiene na: ‘Éyoñ évé ma yiane ke jome nye a vôme mbé? Éyoñ évé ma yiane laan a nye a vôme mbé?’ Bo’o nkômesane ya ke jome nye, to’o awolo éte da ndeñele wo.
4. Bo’o nta’ane mam asu njoman. Éyoñ ése wo mane laan a môt, jeñe’e na ô yem éyoñe wo ye beta zu jome nye asu na mi kee minlañ ôsu. Semé’é nta’ane mame mia te bo.
5. Te bili atek. Te ji’a simesane na môt éziñ a kômbô ki vô’ôlô wo, fo’o ve amu wo kate koone nye nda jé nge ke amu a bili abui mame ya bo. (1 Cor. 13:4, 7) Ve kele’e ôsu a jeñe mezene ya laan a nye, yeme’e belan éyoñe jôé.—1 Cor. 9:26.