Bo’o ôjibi

Jame Yésus a nga bo

VIDÉO: Yésus a volô monyañe wé a ôjibi ôse

1. Yene’e VIDÉO, nge ke na lañe’e Jean 7:​3-5 a 1 Becorinthien 15:​3, 4, 7. Mvuse ya valé fase’e minsili mi:

1. Aval avé bobenyañe be Yésus be nga taté nyoñe foé a mbe a kañete’e be?

2. Jé ja liti na Yésus a nji bili atek, mfa’a ya volô monyañe wé Jacques?

Éve’ela Yésus ja ye’ele bia jé?

2. Bia yiane bo ôjibi amu bôte béziñe ba sili abui éyoñ asu na be kañese mbamba foé.

Bo’o ane Yésus

3. Ve’ele’e befatane bekañete mevale meval. Nge môt a ji’a ki kañese ayé’é, te yemete nye na a bo de. Éyoñe nalé a yian, bela’ane bevidéo nge ke minlô mejô mi ne volô nye na, a tu’a yem aval ayé’é Kalate Zambe da boban a mfi a ye yen été.

4. Te ve’e nye a môte mfe. Môt ase a ne avale dé. Nge ébu’a éziñe ya nda bôte jôé nge ke môt ô nga kañete a ko woñe ya yé’é Kalate Zambe, jeñe’e na ô yem amu jé. Ye a ne amu a dañe nye’e ñye’elan éziñe ya ñyebe wé? Ye bôte ya nda bôte jé nge bôte ya vôm a nyiñe ba kpwe’ele nye? Va’a nye éyoñe ya fase mam ô nga kate nye, va’a fe nye éyoñe ya yene mfi ya miñye’elane ya Kalate Zambe.

5. Ye’ela’an asu môt a nye’e minlañe wo bi a nye. Sili’i Yéhôva mvolan asu na ô bo teke bili atek a ke ôsu a semé môt ate. Sili’i fe Yéhôva na a ve wo atyeñe meyen, asu na ô yeme nge wo yiane telé minjoman a môt a nye’e ki minlañe mia nye mia laan.—1 Cor. 9:26.