Ye’ele benya mejôô

Ataté Ngon ébulu, Kalate ésaé asu bisulan a ye bi mfefé éve’ela ya tôñ é too nlô ajô na, “Ye’ele benya mejôô.” Nsôñane wongan wo ye bo na, bi ngôné mbôka’a ya ñye’elan éziñe ya Kalate Zambe, bia ye belane nsili wua, a éfuse ya Bible.

Nge bi yene na môt a nye’e mejô me Zambe, bi ne bo jôm éziñ asu na bi bo ngule ya beta zu jome nye, ane e li’i nye kalate, nge ke liti nye vidéo éziñe ya jw.org. Bia yiane jeñe na bi ji’a beta zu yene môt ate asu na bi kee minlañe miangan ôsu. Mimfefé bive’ela ya tôñ, a bisaé ba ye ve bongô besikôlô, bia ye so bekabetôlô ya Jé Kalate Zambe a ne ye’ele bia? Été, bia ye koone minsili mife, a bifuse bife ya Kalate Zambe bia ye volô bia na bi bo minjoman, nge ke na bi bo môt ayé’é, bi belane ve Bible étam.

Zene y’ényiñ é ne ve jia jia. (Mat 7:13, 14) Nté bia laan a bôte ba selane miñyebe a metum, bia yiane ngôné benya mejôô ya Kalate Zambe ma nambe môt ase ya be be. (1Tim 2:4) Nté bia ke ôsu a yaé mfa’a ya laan a bôt minlañe mia nambe abui minlô mejô ya Kalate Zambe, a jeñe na bi bo atyeñe mfa’a ya “liti ajô ya benya mejôô zôsô ne tiññ,” bia ye bi abui mevak, a bia ye bo ngule ya ye’ele bôte bevok benya mejôô.​—2Tim 2:15.