Aval bi ne belane Jé Kalate Zambe a ne ye’ele bia?

Kalate A ye’ele bia (nyi a ne mfefé), a Kalate Zambe a ye’ele, be ne jôme jia. Bese be bili avale miñye’elane da, a miñye’elane mite mi ne nta’an avale da bekalate bete bebaane. Ve, kalate A ye’ele bia a belane bifia bi ne tyi’ibi ya wôk. Be nga kuli nye asu bôte ba kate kôme wô’ô Kalate Zambe a ye’ele. Kalate A ye’ele bia a nji bi appendice, ve, a bili meyemé ma ve atinane ya bifia biziñe bekabetôlô y’été ba belane bie. Bekabetôlô y’été be nji taté a minsili, a be nji bi nka’ale memane. Bekabetôlô ba viane man a ôbalebase ya benya mejôô ya Kalate Zambe ba te yé’é e kabetôlô ate été. Fo’o ve ane Kalate Zambe a ye’ele, be ne ve môte kalate A ye’ele bia, éyoñ ése, ja’a éyoñ a nji bo kalate ba ve ngon. Aval avé bi ne belane bifase bi ne nlô ajô na, ôbalebas a meyemé ya kalate A ye’ele bia, éyoñe bia ye’ele môte mejô me Zambe?

ÔBALEBAS: Bi maneya yembane na, éyoñe bia ye’ele môte Bible, bia taté lañ abeñ ya Kalate Zambe a ye’ele, éyoñe te bia su’ulane sili nsili. Ve, nge môte bia ye’ele Kalate Zambe a nji tu’a wô’ô nkobô wongan, nge ke na, a nji tu’a wô lañ, bi ne bo aya? Bi ne tobe na bia belane kalate A ye’ele bia. Éyoñe te nje, bi ne belan ôbalebase ya bekabetôlô, a bi ne lebe nye na, émien a ke lañe mebeñ mese ya kabetôlô. Bi ne bo Nya ajô ase tañe bebé minute 15. Mbôl ôbalebas ô nji bi bone be mame mese me ne mebeñ, nkañete mbamba foé a yiane kôme kômesan ôsusua na a ke bo ayé’é ete, a simesa’ane miñyi’ane mi môte baa nye ba yé’é Bible. Nge nkañete mbamba foé a bo ayé’é avale bi wô’ô jaé zu bia bo, a ne belan ôbalebas asu na, a wôlôkane kabetôlô ate.

MEYEMÉ: Miñye’elane mi ne meyemé, mi ne nta’an aval é ne kabetôlô été. Nkañete mbamba foé a ne tyi’i na, a belane meyemé ya kalate A ye’ele bia nté ba yé’é kabetôlô ate.