Yéhôva a nye’e bôte be ne mfuban

“Sôbe’e mo môé. Kôme’ étune nda jôé. Fimi’ine si. Kele’e kute mbuan akun.” Abui bebiaé da ye’ele bone bap mfi ya bo mfubane ya minsôn. Ve Yéhôva, Zambe a ne étyi, nnye a ye’ele bia avale bia yiane bo mfuban. (Nk 30:18-20; Dt 23:14; 2Bec 7:1) Bia ve Yéhôva duma éyoñe bia ba’ale menyule mangan a biôme biangane mfuban. (1P 1:14-16) Ye nda jangan a mefefel y’été me ne fo’o mfuban? Bi nji yiane bo ane bôte ba wua mvite minjoñ, amu benya Bekristene ba yiane ve ngule ya ba’ale si mfuban. (Bs 115:16; Nli 11:18) Bia yiane bo mfuban to’o e bone be mam, aval ane vôme bia wua bikô’ôla bebonbon, mengônga, a minyalak. Bia kômbô “liti biabebien ane bebo bisaé be Yéhôva” mimfa’a mise ya ényiñe jangan.​—2Bec 6:3, 4.

YENE’E VIDÉO A NE NLÔ AJÔ NA ZAMBE A NYE’E BÔTE BE NE MFUBAN, MVUSE YA VALÉ, YALA’ANE MINSILI MI:

• Bôte ba ba’ale vôme be too mvit be wô’ô jô na ba bo nalé amu jé?

• Atiñe Moïse e mbe e liti’i na Yéhôva a yene mvit aya?

• Aval avé bi ne ve Yéhôva duma teke kobô?