Bia biangan bi ne ngum aval bi ne ve wo besikôlô bevé?

Bi mbili abui bia bi ne ngum aval, bivé wo dañe nye’e? Amu jé wo nye’e bie? Ye wo simesane na bevidéo ya bia bite ba liti bia mame ma boban fo’o? Minlô mejô a mezik ya été bi ntoo meval abui, nalé a bo na bi nambe môt ase ya be bia. Ve bi nji kuli bia bite a bevidéo ya été ve asu mimvôman étam.

Jia ése ya été ja ye’ele môt ase ya be bia ngumba sikôlô asu ényiñe Kristen a ésaé nkañete. Bia biziñ bia kobô ajô fulu anyep, ayo’o nlem, nye’an, mbunan, nge ke élat é ne zañe jangan, a mfi ya bi benya bemvôé. Bivo’o bia liti mfi ya bulane be Yéhôva, mfi ya yeme jamé, mfi ya bo zôsôô môs ane môs, a mfi ya tôé minsôñane ya nsisim. Jia éziñ ja ye’ele ye’ele bia mfi ya belane betéléfôn avale da yian. Besikôlô bevé befe jia éziñ é ne ngum aval é veya wo?

YENE’E VIDÉO YA JIA PARADIS A NTOO BEBÉ, MVUSE YA VALÉ YALA’ANE MINSILI MI:

• Minnôme belu’u mi mia fas éyoñe mia ye bu’ubane bibotane bivé?​—Met 12:3

• Aval avé bi ne yemete ndi nleme jangane na Yéhôva a ne ngule ya tôé bengaka’a bé?

• Bone bikôane bivé bia ye bo bi bo’o mfefé émo?

• Aval avé bengaka’a ya Éjôé Zambe ba volô bia na bi jibi minju’u bia tôbane mie den?​—Bero 8:25