Enjeñané na bi bo atyeñ ésaé nkañete: Bi yeme kañete mindindim

AMU JÉ NALÉ A NE MFI? Amu abui mindindim e nji dañe nye’e da laan a bôte be nji yem. Ajô te nde, e nji ve’ele bo tyi’ibi ya kañete avale bôt ete. Yéhôva a nye’e mindindim. (Lv 19:14) Bi ne vu nye éyoñe bia volô mindindim na mi bo bemvôé bé.

AVALE BI NE BO DE:

• “Jeñe’e” mindindim. (Mt 10:11) Ye wo yeme môt éziñ a bili ndindime nda bôte jé? Ye besikôlô mindindim, nge ke vôme ba ba’ale bôngô be ne mindindim, be ne abôta nkañete dôé? Ye be ne kañese bekalate bangan be ne asu mindindim?

• Liti’i na wo nyoñe be ngap. Mindindim mia ye subu wo bebé tyi’ibi nge wo jeñe na wo bo mvôé jap, a nge wo ve ngule ya nyoñe be ngap. Bela’ane mame ba nye’e asu na ô soñe be minlañ mfa’a ya kañete be.

• Jalé’é miñyiane miap ya nsisim. Ékôane Yéhôva é kuliya bekalate mevale meval asu bôte mise me nji dañe yen. Sili’i nye aval a yi na mi yé’é. Mvendé ja tebele ésaé nkañete ja yiane véé mise na mojañ a kabe bekalate akônda a bañete bekalate asu mindindim.