Bia liti nye’an éyoñe bia su’u mintyi’ane mejô mi Yéhôva

Éyoñ ba telé môte feñ, nalé a kaman akônda, a ne fe fonos asu môt a te bo abé teke jôban. (1Bec 5:6, 11) Éyoñ bia su’u avale ntyi’ane mejô Yéhôva ete, bia liti nye’an. Aval avé jam ete e ne yené éyoñ ba te telé môte feñ, a to ke na bia bese bia wô’ô abui mintaé, e dañedañ bivuvumane bié a bemvendé ya émo’o asu melep?

Jam da dañ e ne na, bia liti na bia nyan éyôlé Yéhôva a memvinda mé a lat a mfuban. (1P 1:14-16) Bia liti fe na bia nye’e môt ba te telé feñ. Melebe ma taé fo’o nlem, ve ma “wum bibuma ya mvo’é . . . bibuma ya zôsô.” (Beh 12:5, 6, 11) Bia liti na bia ngane mintyi’ane mejô mi Yéhôva nge bia yeñ a môt ba te telé feñ, nge ke nyi a nga nyoñe ntyi’ane na a nji beta bi ajô éziñ a ékôane Yéhôva. Te vuane na Yéhôva a foñôsô bebo bisaé bé “zôsô ntyi’ane mejô été.” (Jr 30:11) Bia su’u mintyi’ane mejô mi Yéhôva a ke ôsu a bo mame ya nsisim, bi to fe ndi na, môt ba te telé feñ a ye beta bulan be Ésa wongan a ko bia éngôngol.​—És 1:16-18; 55:7.

YENE’E VIDÉO A NE NLÔ AJÔ NA, WULU’U BA’ABA’A A YÉHÔVA A NLEM Ô NE NGUMBA, MVUSE YA VALÉ, YALA’ANE MINSILI MI:

• 

  Mintaé mivé bebiaé ba wôk éyoñ mone wop a lume Yéhôva mvus?

• 

  Aval avé akônda e ne suk bibu’a ya nda bôte jé bia ke ôsu a wulu ba’aba’a a Yéhôva?

• 

  Nkañete ôvé ya Kalate Zambe wo liti na, e ba’ale élat a Yéhôva a ne mfi abui a dañ e ba’ale élat a nda bôt?

• 

  Aval avé bia liti na bia kabetane Yéhôva a dañe nda bôte jangan?