Yéhôva a lebe bia amu a nye’e bia

Éyoñe ba kobô ajô melep, bi ne simesane ñye’elan, mebendé, nyañelan, to’o fonos. Yéhôva a lebe bia amu a yi na ékaña’a jangan é ve nye nlem avak. (Bero 12:1; Beh 12:10, 11) E nji bo tyi’ibi ya kañese melep éyoñ ése, ve ma volô bia na bi bo zôsôô mise me Yéhôva a bu’ubane bibotan. (Min 10:7) Ve jé môt a ve melep a nyô a nyoñe melep ba yiane yem?

Môt a ve melep. Bemvendé, bebiaé, a bôte befe ba ve melep, ba yiane jeñe na be kôme vu Yéhôva, ba yiane bo de a nye’an. (Jr 46:28) To’o môt a te bo jé, nye’ane ñwô wo yiane tindi bia na bi ve nye mlep, fonos ba ve nye ja yiane fe wô’é a jam a te bo.​—Tt 1:13.

Môt a nyoñe melep. Bia yiane jeñe na bi vô’ôlô melebe mese ba ve bia a kañese me été été. (Min 3:11, 12) Teke môt a ne jô na nye a yi ki melep, amu bia bese bi be’e metyi ya abé; a Yéhôva a lebe bia mevale meval. Bi ne lañ éfus éziñe Bible, nge ke wô’ô jam éziñ ésulan. E ne fe kui na bemvendé belal be too bia si a kobô ajô nsem éziñe bia te bo. Môt a kôme vô’ôlô melep a taté bu’ubane mbamba ényiñe den, wônaa melu ma zu ki, é bi ényiñe ya melu mese.​—Min 10:17.

YENE’E VIDÉO A NE NLÔ AJÔ NA ‘BÔTE [YÉHÔVA] A NYE’E, MBE BETE A LEP,’ MVUSE YA VALÉ YALA’ANE MINSILI MI:

• 

  Ényiñe Canon é nga taté aya, a jé é nga tyendé zañe va?

• 

  Aval avé Yéhôva a nga lebe nye?

• 

  Jé jam e nga kui Canon da ye’ele bia?