Volô’ô beyé’é Bible na be tabe bisulan

Bisulan bi ne beta ngabe ya ésaé bia bo Yéhôva. (Bs 22:22) Éyoñ bia tabe bisulan, bia bi abui mevak a abui bibotan. (Bs 65:4) Beyé’é Bible ba yaé nsisim avôl éyoñe ba tabe bisulane mban.

Aval avé ô ne volô beyé’é Bible bôé na be tabe bisulan? Bo’o ô bañete’e be. Liti’i be vidéo a ne nlô ajô na Jé ja boban Aba Éjôé été? Liti’i be mfi ya bisulan. (lff nlô ajô 10) Ô ne kate be jam éziñ ô nga yé’é ésulan, nge ke laan ajô ya mam mé boban ésulan éziñe ya sondô mia yiane yenan. Va’a be kalate bé belane nye ésulan éte. Bo’o fe jam e ne volô be. Jeñe’e na ô yem mam ma sili asu na be tabe ésulan? Éyoñe wé yene ñyé’é Bible wôé a tabe’ ésulan éyoñ ôsu, wo ye ke jôban mengul mese ô nga ve na ô volô nye.—1Bec 14:24, 25.

YENE’E VIDÉO A NE NLÔ AJÔ NA VOLÔ’Ô BÔTE MIA BE BE MIA YÉ’É BIBLE NA BE TABE BISULAN, MVUSE YA VALÉ YALA’ANE MINSILI MI:

• 

  Fane fé Neeta a te bi asu na a bañete Jade ésulan?

• 

  Amu jé bia bi avak éyoñe ñyé’é Bible a tabe ésulan?

• 

  Jade a nga wô’ôtan aya éyoñ a nga tabe ésulan ôsu?