Volô’ô beyé’é Bible na be sa’ale mbia mewoso

Ñyé’é Bible a kômbô bo mvôé Zambe a yiane bi mbamba mewoso. (Bs 15:1, 4) Mbamba mewoso mé volô nye na a bi mefulu Yéhôva a nye’e.—Min 13:20; lff nlô ajô 48.

Tebe été ñyé’é Bible éyoñ wo kômbô volô nye na a bi mbamba mewoso. Éko éziñ a yen ayaé ya jô’é mewoso mé y’émo. Ajô te, liti’i nye na wo nyoñe ngab a nye, to’o mimôs mia nye mia yenane ki asu ayé’é. Ô ne tili nye message, nge loone nye téléphone, nge ke jome nye. Nté ayé’é da ke ôsu, ô ne bo na a lôt éyoñ a bôte befe ya akônda. Nalé é volô nye na a yene na bemvôé a bili akônda ba lôte ba ya émo nya ôyabe. (Mc 10:29, 30) A womiene fe wé bu’uban ava’a ya yen ane nda bôte Yéhôva ja jaé a bôt.

YENE’E VIDÉO A NE NLÔ AJÔ NA VOLÔ’Ô BÔTE MIA BE BE MIA YÉ’É BIBLE NA BE SA’ALE MBIA MEWOSO, MVUSE YA VALÉ YALA’ANE MINSILI MI:

• Jé é ne mbia mewoso? (1Bec 15:33)

• Jade a buni na abô’ô Bengaa be Yéhôva é ne boban aya?

• Aval avé Neeta a volô Jade na a jô’é mbia mewoso?