Teke nju’u éziñ wo tabe nnôm éto

Minju’u miziñ mi ne bia ji’a te’e nyul, e dañe dan éyoñ mia libi. David a mbe a yeme’e na minju’u Njôô bôt Saül a mbe a bo’o na a tôbane mie mia ye ke tabe nnôm éto, a na é su’ulane bo njôô aval Yéhôva a nga ka’ale nye. (1Sa 16:13) Mbunane David ô nga volô nye na a jibi a yange na Yéhôva émien nnye a vaa nye nju’u ôte.

Éyoñ bia tôbane minjuk, bi ne ngule ya belane atyeñe dangan, ñyemane wongan, a mfasane wongan asu na bi dañe mie. (1Sa 21:12-14; Min 1:4) Ve minju’u miziñ mi wô’ô ke ôsu a ndeñele bia to’o bi maneya bo mam mese ma lu’an a nkômbane Yéhôva. Nge bi tele aval été éte, e ne nya mfii na bi bo ôjibi a yange na Yéhôva émien nnye a soo bia mvolan. Ana’ana, a zu mane minju’u miangan mise, a “fimi mili’i” mangan mese. (Nli 21:4) Bi ne ñhe wôlôkan bi jô’ô na, to’o bia yiane yange na Yéhôva nnye a vaa bia minju’u été, to’o minju’u miangan mia man aval afe, jam e ne été é ne na, teke nju’ éziñ wé tabe nnôm éto. Nga jam ete da ve bia ngule nyul?

YENE’E VIDÉO A NE NLÔ AJÔ NA: AYOÑ YÉHÔVA É NE NLATAN TO’O ÉMO É NE NKANDAN, MVUSE YA VALÉ, YALA’ANE MINSILI MI:

• Minju’u mivé Bekristen béziñe ya États-Unis be nga tôbane mie?

• Aval avé be nga liti fulu ôjibi a nye’an?

• Aval avé be nga ke ôsu a bem asimesane dap “mam ma dañe mfi”?—Beph 1:10