Ye wo bu’ubane fo’o b’enregistrement ya nlañane Bible?

Jé é ne enregistrement ya nlañane Bible? A ne nlañane ya Kalate Zambe Nkôñelane ya Mfefé émo bôte be maneya bo. Nlañan ôte ô wô’ô taté kui JW Library, mvuse ya valé e jw.org a Nda bekalate ya nkol. Mbamba jame wua ya nlañan ôte a ne na, bôte ba ke ba tyendé metyiñ asu na me wô’an a nkañete môt a lañ. Asu na nlañan ôte ô bo totyi, bôte ba lañe ba kôme tote bifia, be ngôné’é avale bôte ya éyoñ éte be mbe be wô’ôtane mam.

Aval avé ô ne bu’ubane enregistrement ya nlañane Bible? Abui bôte da bu’ubane nlañan ôte da kôme yen ane mejô me Zambe me ne vevee. Éyoñe ba vô’ôlô avale môt ase ya été a lañ afôla dé, nalé a volô be na be bo ve ane be mbe valé éyoñ éte, a na be wô’ô ne sañesañe jam é ne ntilan. (Min 4:5) Abui bôte da yene fe na, nlañan ôte wo bôé be minleme si éyoñe minleme mi tyele be yôp.​—Bs 94:19.

E vô’ôlô nlañane Kalate Zambe a ne tyendé binyiñe biangan avale bi nji be bi buna’an. (2Mka 34:19-21) Nge enregistrement ya Bible a ne nkobô wo kôme wôk, éfas nge ke e Bible ase, ye ô ne jeñe na ô bo mbane ya vô’ôlô nlañan ôte?

YENE’E VIDÉO A NE NLÔ AJÔ NA, AVALE BA KULI B’ ENREGISTREMENT YA NLAÑANE BIBLE​—ÉFAS, MVUSE YA VALÉ YALA’ANE NSILI WU:

Jé ja nambe wo éyoñe wo yen avale ba kuli b’enregistrement ya nlañane Bible?