Mame me ne volô wo na ô lañe Kalate Zambe môs ôse

Ye wo yen ayaé ya lañe Kalate Zambe môs ôse amu ô yeme a abui mam? (Josué 1:8) Nge é ne nalé, bone be mame ba be ne volô wo:

• Bo’o mame ma ye volô wo na ô simesan. Ô ne futi alarme téléfône wôé na a volô wo na ô simesan awolo wo yiane lañe Kalate Zambe.

• Beté’é kalate Zambe wôé vôm ô ne ji’a yen. Nge wo belane Kalate Zambe a ne mefep, beté’é nye vôm a ye bo tyi’ibi ya yene môs ôse.—Deut. 11:18.

• Vô’ôlô beenregistrement audio. Ô ne bo ô vô’ôlô beenregistrement audio nté wo bo bisaé ya nda. Tara a ne nkpwa’a mefan, a saé alu a too fe nyia bon, a jô na: “Mbôle ma vô’ôlô beenregistrement nté ma bo bisaé ya nda, nalé a volô ma na me lañe Kalate Zambe môs ôse.”

• Bo’o mban. Nge mame ma kui atemeteme ma bo na ô bo teke tôñe nta’ane mame wôé, ô ne lañe bone bifus ôsusua na wo ke bômbô si. To’o wo lañe ve bone bifuse môs ôse, nalé a ne volô wo.—1 P.2:2.