ÉNYIÑE BEKRISTEN
Ba liti na ba nye’e bia
Bejome mekônda a binga bap ba liti na ba nye’e bobejañ. Aval ane bia bese, be fe be bili miñyian. Be ne fe wô’ôtan atek nge tyelé minleme yôp a jañele ava’a dap. (Jac 5:17) Ve ja’a nalé, sondô ase, ba fas avale be ne ve bobejañ a besita ya bikôane bekristene ba ke jome ngule nyul. Teke vaa nge beté, bejome mekônda be ne fo’o bôte ba “yian ésemé biyoñe bibaé.”—1Tm 5:17.
Éyoñe nlômane Paul a nga kômesane na a ke Rome asu na a ke “wônô [ékôane bekristen] mfa’a ya nsisim,” nsôñane wé ô mbe na be “veane ngule nyul.” (Rom 1:11, 12) Ye ô faseya fo’o aval ô ne ve njome mekônda ba minga wé ngule nyul nge a ne nlu’an?
YENE’E VIDÉO A NE NLÔ AJÔ NA, ÉNYIÑE NJOME MEKÔNDA MINLAME MVUS, MVUSE YA VALÉ, YALA’ANE MINSILI MI:
Aval avé bejome mekônda a binga bap ba liti na ba nye’e bobejañ?
Aval avé ô yeneya mfi ya njomane wop?
Aval avé bi ne ve be ngule nyul?