Bemvendé ba belan éjôé jap asu mvo’é bebo bisaé be Yéhôva

Abui bôt é too ke ndi a bôte be bili éjôé. Bi ne wôk amu jé ba bo de. Bôte be bili éjôé be wô’ô belane je abé. (Mi 7:3) Bi ne angôndô ya mevak, amu ba yañele bemvendé ya ékôane bekristene na, be belan éjôé jap asu mvo’é bebo bisaé be Yéhôva.—Est 10:3; Mat 20:25, 26.

Bemvendé ba selane bôte be bili éjôé émo ji. Ba saé ane betebele amu ba nye’e Yéhôva a bebo bisaé bé. (Jn 21:16; 1Pi 5:1-3) A mvolane Yésus, bemvendé ba volô mbo ésaé Yéhôva ase na, a wô’ôtane na a ne ébu’a jia ya nda bôte Yéhôva. Ba volô fe môt ase ya be bia na a kabetane Yéhôva. Be ne ôjeja’a ya su’u ntômba Yéhôva ôse mfa’a ya nsisim. Ba su’u fe bia éyoñe mbia jam éziñe nge bibubua bia kui. Nge wo yi mvolan, nga ô ne nyoñe ntyi’ane ya loone mvendé éziñe ya ékôane bekristene jôé?—Jac 5:14.

YENE’E VIDÉO A NE NLÔ AJÔ NA, BEBA’ALE BA NYOÑE NGAP A MINTÔMBA, MVUSE YA VALÉ, YALA’ANE MINSILI MI:

• Aval avé Mariana a nga yene mfi ya mvolane bemvendé?

  Éyalane jôé

• Aval avé Elias a nga yene mfi ya mvolane bemvendé?

  Éyalane jôé

• Aval avé minkañete mite mia volô bia na bi yem ésaé bemvendé ba bo?

  Éyalane jôé