Mimfefé bibu’a mibaé ya Tin ékôan
MÔSE Ntéwua ya Ngon ôsu é too melu 18 mbu 2023, bi nga yene foé éziñ é too ngum aval anjeñe mefoé dangan jw.org. Foé éte é mbe é jô’ô na Mojañe Gage Fleegle ba Mojañe Jeffrey Winder be ntoo bibu’a ya Tin ékôane Bengaa be Yéhôva. Bobejañe bete bebaé be boya Yéhôva ésaé den a ntoo abui mimbu.
Gage Fleegle ba minga wé Nadia
Mojañe Fleegle a nga yaé ouest ya Pennsylvanie, États-Unis. Bebiaé bé be mbe be ko Yéhôva woñ. Éyoñ a mbe ésoé, nda bôte jé é nga ke tabe mone tison éziñ, bekañete mbamba foé be mbe be jembane vôm ate. Mvuse mone éyoñ, a nga dubane Ngon awôm a wua é too melu 20, mbu 1988.
Bebiaé be Mojañe Fleegle be mbe be lebe nye éyoñ ése na a nyoñ ésaé nkpwa’a mefane ya éyoñ ése. Mbôle be mbe be ba’ale bejome bikôane bekristen a Bebéthélite nda jap, Mojañe Fleegle a mbe a yiane yen abim avé bobejañ a besita bete be mbe mevak. Mone nté mvuse ndubane wé, a nga taté ésaé nkpwa’a mefane ya éyoñ ése Ngon ébulu é too alu 1, mbu 1989. Mvuse mimbu mibaé, a nga tôé nsôñan a mbe a bili éyoñ a mbe a bili mimbu 12—, nsôñane ya ke saé Béthel. A nga taté na a saé Béthel ya Brooklyn Ngon awômô ya mbu 1991.
E Béthel, Mojañe Fleegle a nga bo mimbu mwom a saék vôme ba sôbe biyé, mvuse ya valé, be nga lôme nye département pour le service. Éyoñ éte ébien, a nga bo abime mimbu éziñ ékôane bekristene ja kobô Russe. Mbu 2006, a nga lu’u Nadia, ane ba nye be nga saé Béthel nsamba. Ba Nadia be nga su’u ésaé nkañete abôta nkañete ba kobô Portugais, be nga su’u fe ésaé nkañete e lôte mimbu awôm abôta nkañete ba kobô Espagnol. Éyoñ a saéya abui mimbu département pour le service, be nga jô Mojañe Fleegle na a ke saé Comité pour l’enseignement, mvuse ya valé, a nga ke saé e Comité pour le service. E Ngone lale ya mbu 2022, a nga bo ébu’a ya Comité pour le service ya Tin Ékôan.
Jeffrey Winder ba minga wé Angela
Mojañe Winder a nga yaé Murrieta, e Californie, États-Unis. Bebiaé bé be nga yale nye benya mejôô été. Mvuse ya valé, a nga dubane Ngone lale é too melu 29, mbu 1986. Ngon é nga tôé valé, a nga nyoñ ésaé nkpwa’a mefane ya étun éyoñ. A nga bu’uban ésaé éte angôndô ya abui, ane a nga kômbô kee je ôsu. Éyoñ a boya ésaé nkpwa’a mefane ya étun éyoñ abui bengon, a nga su’ulane nyoñ ésaé nkpwa’a mefane ya éyoñ ése Ngon awômô é too alu 1, mbu 1986.
Éyoñe Mojañe Winder a mbe ésoé, a nga ke jome bobenyañe bemvendé bé bebaé be mbe be saék Béthel éyoñ éte. Minlañe ba bebe be nga laane mi nga volô nye na a bi nsôñane ya ke saé Béthel éyoñ a ye bi ôkala ya bo de. Ngone tane ya mbu 1990, be nga bañete nye na a ke saé Béthel ya Wallkill.
Mojañe Winder a nga saé abui bewofise ya Béthel, aval ane wofise wo sôbe biyé (service de la lingerie et du pressing), a wofise wo nyoñe ngap a biyem. A nga lu’u Angela mbu 1997, ba nye ba saé Béthel nsamba. Mbu 2014, be nga lôme Mojañe Winder e Warwick na a ke suk bisaé melôñe bia bobane wôé. Mbu 2016, be nga lôme nye Centre d’enseignement des Témoins de Jéhovah e Patterson. E wôé, Mojañe Winder a nga saé service Audio/Vidéo. Mvuse mimbu minyin, be nga beta bulane Warwick, ane Mojañe Winder a nga ke saé Comité pour le personnel. Ngone lale ya mbu 2022, a nga bo ébu’a ya Comité pour le personnel ya Tin ékôan.
Bia ye’elane Yéhôva éyoñ ése na a botane ‘bôt a nga ve ane mimvean’ asu na be ke ôsu a saé ngul asu mame ya Éjôé Zambe.—Éphé. 4:8.