Jene’e bidima bi mame ya nsisime bi ne bo wo mfi

Éyoñe bia lañe Kalate Zambe, bi ne yene bidima bi mame ya nsisim éyoñe bia nyoñ éyoñe ya vune bekalate bangan. Ve, aval avé bi ne tu’a bu’ubane nlañane Kalate Zambe wongan?

Tuka’a fak bone be mame bese be tii a minkañete wo lañ. Ô ne jeñe na ô yeme môt a nga tili nkañete ôte, a nga tili wô asu za, a éyoñ évé a nga tili wô. A nga tili nkañte ôte a tele été évé, jé é nga boban ôsusua na a tili wô, a jé é nga boban éyoñ a nga mane tili nkañete ôte?

Jene’e na ô yemelane miñye’elan ô ne nyoñ éyoñe wo sili womien avale minsili di: ‘Bôte ya nkañete wu be mbe be wô’ôtan aya? Mefulu mevé be mbe be bili? Amu jé ma yiane vu mefulu mete, nge ki sa’ale me?’

Belane mame wo te yé’é, éko éziñ éyoñ ô ne nkañete nge ki ényiñe jôé ya môs ôse. Éyoñe wo bo nalé, wo liti na ô ne fek amu Kalate Zambe a jô na: “Nyô ase a ne fek a ye vô’ôlô mam ma.”—Bsa. 107:43.

• Melep: Fase’e aval ô ne tôñe melebe bia koone me ngap ésulane ya zañe sondô é ne nlô ajô na Bidima bi mame ya Kalate Zambe. Ngap éte é wô’ô fe bi minsili bi ne sili biabebien. Bi ne fe koone mbamba be mame befe bi ne bindi, a mbamba bive’ela ya kôme nyoñ éyoñe ya la’ase.