Yé’é a nsôñane ya volô bôte bevok

Ayé’é étam é ne jame da so mevak, ve ô ne tu’a bu’ubane de éyoñe wo kate bôte bevo’o bidima bi mame wo te yé’é. Minkana 11:25 a jô na: “Nyô a miame mendim, nnye fe ba ye miame mendim.”

Éyoñe wo kate bôte bevo’o mame wo yé’é, da ye bo tyi’ibi na ô ba’ale a tu’a wô’ô mame méziñ. Wo ye fe bo mevak amu wo yeme na bidima bi mame bite bia ye bo bôte bevo’o mfi.—Mame mi. 20:35.

Jam ô ne bo: Sondô a zu, jeñe’e fane ya kate bôte bevo’o mame wo te yé’é. A ne bo ébu’a ya nda bôte jôé, monyoñe ya ékôane bekristene jôé, môte mia nye mia saé vôma wua, mongô sikôlô mbok, môte mia nye mi too afôla da, nge ke môte wo tôbane nye nkañete. Jeñe’e na ô belane bifia bôé bi too tyi’ibi ya wôk.

Jame ya ba’ale: Kate’e bôte bevo’o mame wo yé’é asu na ô ve be ngule nyul, sa ke na ô bo miñyené.—1 Cor. 8:1.