Wôleka’ane beta be mame wo yé’é

Ye é kuiya éyoñ éziñe na ô kate simesane mam ô ndeme yé’é? Jam éte é wô’ô kui bia bese. Jé é ne ñhe volô wo? Wôleka’ane beta be mame wo yé’é.

Nté wo yé’é, nyoñe’e mon awo’on asu na ô tili mame ma dañe wo mfi. A ne jame nlômane Paul ô nga tindi bobejañ a besita na be bo éyoñe ba ye yé’é kalate wé. A nga tili be na: “Nlô ajô . . . ô ne na.” (Héb. 8:1) A zen éte, a nga volô be na be yeme wô’ô jam a mbe a kômbô’ô kate be a yen aval avé mame mese a nga kate be me mbe me tii a nlô ajô wé.

Ô ne nyoñ abim éyoñ éziñ, to’o a ne minut awôm éyoñ ô maneya yé’é, asu na ô fase beta minlô mejô wo te yé’é. Nge ô vuaneya mie, kele’e fombô bone minlô mejô nge ke na, lañe’e nnoñe bifia ôsu ya abeñ ése asu na ô beta simesane jôme wo jeñ. Nge wo te yé’é mfefé jam, jeñe’e na ô timine je a bifia biôé. Nge ô wôlekane beta be mame wo te yé’é, boo wôé a ye ba’ale me tyi’ibi a wo ye tu’a yen aval avé mame wo te yé’é ma nambe ényiñe jôé.