Mame nkañete Samuel wo ye’ele bia

Samuel a nga bo Yéhôva mewôk ényiñe jé ése. Éyoñ a mbe mongô, a nga bene vu mbia nsisim Hophni ba Phinéas, bone b’Éli. (1Sa 2:22-26) Yéhôva a mbe a Samuel nté a mbe a yaé’. (1Sa 3:19) Éyoñ a nga bo nnôm, a nga ke ôsu a bo Yéhôva ésaé, akusa bo na bone bé be nga yale feñ.—1Sa 8:1-5.

Jé nkañete Samuel wo ye’ele bia? Nge ô ne ésoé, tabe’e ndi na Yéhôva a yem minju’u wo tôbane mie a avale wo wô’ôtan. A ne volô wo na ô bo ayo’o nlem. (És 41:10, 13) Nge bone bôé ba bene kañe Yéhôva, simesa’ane Samuel; te vuane na a nji bi bone bé a ngule na be bo Yéhôva ésaé. A nga jô’é ajô ya bone bé mo me Yéhôva, émiene ki a kele ôsu a kabetane Zambe wé a bo mam ma ve nye nlem avak. Za a yem nge mbamba éve’ela wôé a ye ke tindi bone bôé na be bulane be Yéhôva môs éziñ?

YENE’E VIDÉO A NE NLÔ AJÔ NA BIVE’ELA BI NE TOÑE:—SAMUEL, MVUSE YA VALÉ YALA’ANE MINSILI MI:

• 

  Aval avé Samuel a nga liti fulu ayo’o nlem a too mongô?

• 

  Aval avé Danny a nga liti fulu ayo’o nlem?

• 

  Mbamba éve’ela mbé Samuel a ve benya bôtô?

• 

  Amu jé bebiaé be Danny be ne mbamba éve’ela?