ÉNYIÑE BEKRISTEN
Tabe’e ndi a Yéhôva éyoñe wo tôban ékpwe’ele
Ékpwe’ele é ne bo abé mfa’a ya minsôn a bo na bi wô’ô biabebien éngôngol. Ékpwe’ele é ne fe bo abé mfa’a ya nsisim éyoñe ba kpwe’ele bia amu mbunane wongan. Aval avé ô ne kamane womien éyoñe ba kpwe’ele wo?
Abui bebo bisaé be Yéhôva é nga dañ ékpwe’ele amu é nga too ndi a Yéhôva. (Bs 18:17) Éve’an é ne na, Esther a nji fet anyu, a nga kulane mbia be mame Haman a nga mane bôndé. (Est 7:1-6) Ôsusua na a bo de, a nga liti na a too ndi a Yéhôva, a nga tabe abime melu éziñe teke di nge nyu. (Est 4:14-16) Yéhôva a nga botane mimboone mié a kamane bebo bisaé bé.
A ésoé, nge ba kpwe’ele wo, sili’i Yéhôva mvolan a kate nya môtô aval ane mbiaé wôé, nju’u wo tôbane wô. Ô ne tabe ndi na Yéhôva a ye volô wo, fo’o ve aval a nga volô Esther. Jé éfe ô ne bo asu na ô dañ ékpwe’ele?
YENE’E VIDÉO A NE NLÔ AJÔ NA, ÉNYIÑE BISOÉ—AVAL AVÉ ME NE JIBI ÉTIBILA’A? MVUSE YA VALÉ, YALA’ANE MINSILI MI:
Jé éve’ela Charlie ba Ferin é ne ye’ele bisoé?
Mame Charlie ba Ferin ba jô, me ne ye’ele bebiaé jé a lat a avale be ne volô bone bap na be dañ ékpwe’ele?