Jamé’é

1. Zamb’ a nga kôté bia,

A zene ya Mone wé.

Zambe a nga jamé fe bia,

Bi ne bebo mam abé.

Éyoñ bia jôban abé dañ,

A n’avôle ya jamé.

Yésus Krist a nga ya’ane ntañ

Na bi subu Yah bebé.

2. Zambe a jamé bia

Éyoñ bia fe bia jamé,

Éyoñ bia wô’ô bôte mintaé,

Éyoñ bia nye’e mejô mé.

Môt ase a jibi’i nyu mbok!

Mintañ’te mi ne zezé!

Bia yiane nye’e bôte bevok,

A liti be ésemé.

3. Mvam é ne mba fulu

Bia bese bia yiane bi.

Fulu te ja bo na bi vu

Zambe woñ a n’ôjibi.

Te bia vañ ba’ale ziñ e nlem,

Ja’a môt a bo bia abé.

Ésaa woñ a ne mbamba nlem

A jô bia na bi jamé.