MAM Ô NE YÉ’É

Jeñe’e na ô tu’a yeme bidima mefulu bi Yéhôva

Éyoñe bia lañe Kalate Zambe, bi ne belan abui bibpwelé bife asu na bi tu’a wô’ô mame bia lañ. Ve bi nji kômbô yé’é Kalate Zambe fo’o ve amu bia kômbô bi abui ñyeman. Bia kômbô tu’a yeme mefulu me Yéhôva a bo na nye’ane bia nye’e nye ô tu’a bo ngul. Asu na bi bo de, bi ne sili biabebiene na: ‘Jé éfuse Kalate Zambe ma lañe ji ja ye’ele ma a lat a Yéhôva?’

Bi ne jeñe na bi tu’a yem aval avé Yéhôva a nga liti fulu nye’an, fek, zôsô a ngul. Ve, sake mefulu mete étame mme ma volô bia na bi yem avale môte Yéhôva a ne. A bili fe mbamba mefulu mefe. Nde jé bi ne bo asu na bi yeme mefulu me Yéhôva mefe?

Ô ne yene mefulu me Yéhôva mefe, e lôte 50 index des publications des témoins de Jéhovah, nlô ajô ô ne na “Jéhovah,” e mone nlô ajô a ne na “Qualitiés par nom.” Jeñe’e mefulu ma lu’an a nkañete ya Kalate Zambe wo lañ. (Nge ki ô bili fo’o ve Guide de rechegrche pour les Témoins de Jéhovah, ô ne ke nlô ajô ô ne na “Jéhovah Dieu,” éyoñ éte wo nyoñe mone nlô ajô a ne na “Qualitiés de Jéhovah.”)