PAAT 1

How Wi Lisn tu Gaad

Gaad taak tu wi chroo di Baibl. 2 Timoti 3:16

Fahn ih chroan da hevn, Jehoava gaid sohn man fi rait di Baibl

Di onli chroo Gaad gaid sohn man fi rait dong wahn mesij. Da mesij deh eena di Baibl, wahn hoali buk. Dis buk gat een impoatant infamayshan weh Gaad waahn mek yu noa.

Gaad noa weh bes fi wee, ahn chroo wizdom kohn fahn hihn. If yu lisn tu Gaad, yu wahn get fi bee reeli waiz. —Ifeezhanz 1:17; Look 11:28.

Di Baibl deh eena lata difrent langwij; wahn man di reed di Baibl eena ih oan langwij

Gaad waahn evribadi aal oava di werl fi reed di Baibl, dat da wai yu kud fain it eena lata langwij.

If yu waahn lisn tu Gaad, den yu need fi reed ahn andastan di Baibl.

Peepl aal oava di werl di laan bowt Gaad. Machyu 28:19

Wan a Jehoava Witnisiz di reed wahn skripcha tu wahn man, den ih stodi di Baibl wid ahn

If yu waahn andastan di Baibl, Jehoava Witnisiz ku help yu.

Dehn di teech di chroot bowt Gaad aal oava di werl.

Wahn meetin da wahn Kingdom Haal a Jehoava Witnisiz

Dehn wahn teech yu di Baibl fi free. Yu kud laan moa bowt Gaad da di Kingdom Haal kloasa tu weh yu liv.