Inchrodokshan
Gaad da laik wahn Pa weh reeli reeli lov ih pikni dehn. 1 Peeta 5:7
Wen wahn pa lov ih pikni dehn, ih teech dehn evriting weh dehn need fi noa. Gaad da wahn Pa jos laik dat, bikaaz ih teech yu di bes way fi liv. Sins da hihn mek wi, hihn noa evriting ahn ih kay bowt wi.
Di teechinz fahn Gaad impoatant bikaaz dehn mek wi feel hapi ahn gi wi hoap.
If yu lisn tu Gaad, hihn wahn gaid yu, protek yu, ahn help yu fi deel wid eni prablem.
Ahn dat da noh aal —yu wahn liv fareva!