Wat Da di Chroot Bowt Jeezas?

Jehoava mi sen Jeezas tu di ert. 1 Jan 4:9

Bifoa Jehoava mek eniting els, ih mek wahn powaful aynjel da hevn. Dis aynjel da Gaad Son. If wi waahn mek Jehoava hapi, wi hafu lisn tu ih Son.

Jehoava sen ih Son dong tu di ert fi baan az wahn baybi da Betlihem. Ih ma da-mi wahn verjin naym Mayri, ahn di baybi mi naym Jeezas.—Jan 6:38.

Wen Jeezas mi-di liv pahn di ert az wahn man, hihn shoa wi egzakli how Gaad feel, ahn how ih tink, ahn how ih ak. Jeezas mi kain ahn lovin. Peepl neva feel no way fi deh rong ahn. Hihn neva frayd fi teech peepl di chroot bowt Jehoava.

Jeezas mi du onli gud, bot dehn mi stil hayt ahn. 1 Peeta 2:21-23

Di Jooish rilijos leeda dehn mi hayt Jeezas bikaaz ih mek evribadi noa bowt dehn bad wayz, ahn dat weh dehn mi-di teech mi rang.

Jeezas mi kyoar sik peepl ahn eevn bring bak tu laif som weh mi ded.

Di rilijos leeda dehn tel lai bowt Jeezas tu di Roaman dehn. Dis mek di Roaman dehn beet op Jeezas ahn den kil ahn.