PAAT 8

Weh Jeezas Det Ku Du fi Yoo?

Jeezas ded soh wee kud liv fareva. Jan 20:31

Sohn uman di luk eena Jeezas toom, bot ih mi emti

Chree dayz afta Jeezas ded, sohn uman gaahn da ih toom fi luk far ahn, bot ih mi emti. Jehoava mi don rayz ahn op bak tu laif.

Jeezas apyaa tu ih apasl dehn, den laytaraan ih gaan op da hevn

Layta, Jeezas apyaa tu ih apasl dehn.

Wen Gaad mi bring Jeezas bak tu laif, ih gi ahn wahn powaful spirit badi. Now ih kyaahn eva ded agen. Jeezas disaipl dehn mi si wen ih gaan op da hevn.

Gaad rezorek Jeezas ahn put ahn fi bee King a Gaad Kingdom. Revilayshan 11:15

Fahn ih chroan eena di Kingdom, Jeezas rool oava peepl eena paradais pahn di ert

Jeezas ded fi sayv aala wi fahn sin ahn det. (Machyu 20:27, 28) Bikaaz a dis, Gaad mek it pasabl fi mek wi liv fareva.

Jehoava put Jeezas fi bee King oava di ert. Bot hihn noh wahn rool bai ihself; 144,000 faytful peepl fahn di ert wahn geh rezorek fi liv da hevn. Dehn wahn rool lang wid Jeezas ahn faam wahn raichos govament—Gaad Kingdom.—Revilayshan 14:1-3.

Gaad Kingdom wahn mek di ert intu wahn Paradais. Nohmoh waar ner kraim wahn deh. Nobadi wahn bee poa ner hongri. Evribadi wahn bee reeli reeli hapi.—Psalm 145:16.