HOW FI MEK RITERN VIZIT
LESN 7
Noh Giv Op
Prinsipl: “Dehn mi kantinyu fi teech widowt stap ahn fi shayr di gud nyooz.”—Aks 5:42.
Weh Paal Mi Du
1. Wach di VEEDYO, er reed Aks 19:8-10. Den aks yuself dehnya kweschanz:
How wi noa Paal neva giv op wen ih mi-di preech?
How lang ahn how aafn Paal mi teech di peepl hoo mi waahn laan?
Weh Wi Laan Fahn Paal?
2. Wi need fi spen wahn lata taim an enerji fi mek gud ritern vizits ahn staat Baibl stodiz.
Bee Laik Paal
3. Goh bak da wahn taim weh beta fi di persn. Aks yuself dehnya kweschanz: ‘Wen da wahn gud taim fi meet di persn soh ih ga moa taim fi taak tu mi? Wehpaat ih wuda prifaa fi mek wi taak tu ahn?ʼ Bee wilin fi goh bak eevn if da noh wahn gud taim fi yoo.
4. Set wahn taim fi goh bak. Wen yu don taak tu di persn, aks ahn wen yu ku kohn bak. Den mek shoar yu goh bak wen yu seh yu gwehn bak.
5. Noh giv op hoap. Noh hori fi tink dat bikaaz ih haad fi fain di persn hoam er bikaaz ih aalwayz bizi, dat meenz di persn noh inchrestid. (1 Kor. 13:4, 7) Kip di chrai fain di persn, bot mek shoar dat yu di mek gud yoos a yu taim.—1 Kor. 9:26.