Bee Payshent

Weh Jeezas Mi Du

VEEDYO: Jeezas Mi Payshent Wid Ih Breda Jaymz

1. Wach di VEEDYO, er reed Jan 7:​3-5 ahn 1 Korintyanz 15:​3, 4, 7. Den aks yuself dehnya kweschanz:

1. How Jeezas breda dehn mi feel wen hihn mi fers staat shayr di gud nyooz wid dehn?

2. How wi noa dat Jeezas mi payshent wid ih breda Jaymz?

Weh Wi Laan Fahn Jeezas?

2. Wi need fi bee payshent bikaaz sohn peepl tek langa dan adaz fi aksep di gud nyooz.

Bee Laik Jeezas

3. Yooz difrent wayz fi reech di persn. If di persn noh waahn stodi rait away, noh foas ahn fi stodi. Wen yu tink da di rait taim, shoa di persn sohn veedyo er aatikl fi help ahn si weh hapm pahn wahn Baibl stodi, ahn how di stodi ku help ahn eena ih laif.

4. Noh kompyaa di persn wid sohnbadi els. Eech persn difrent. If wan a wi famili er wi ritern vizit noh shoar if dehn waahn stodi di Baibl er ih haad fi mek dehn aksep Baibl teechinz, tink bowt wai dehn mait feel da way. Ih haad fi mek ih aksep wahn bileef bikaaz a di rilijan ih groa op eena? Ih famili er ih naybaz chrai diskorij ahn? Giv ahn taim fi tink bowt di kanvasayshan weh unu mi gat ahn fi kohn fi apreeshiayt weh di Baibl teech.

5. Pray bowt di persn weh shoa inchres. Aks Jehoava fi help yu stay pazitiv ahn shoa rispek fi di persn. Pray tu Jehoava fi help yu noa wen fi stap vizit sohnbadi weh noh reeli inchrestid.—1 Kor. 9:26.